16:02, 19 - اقپان 2017 | GMT +5
قورعانىس ءمينيسترى تارازداعى گوسپيتالعا بارىپ، اسكەري قىزمەتشىلەردىڭ حال- جاعدايىن ءبىلدى
استانا. قازاقپارات - ق ر قورعانىس ءمينيسترى گەنەرال- پولكوۆنيك ساكەن جاسۇزاقوۆ قار كوشكىنىنەن زارداپ شەككەن اسكەري قىزمەتشىلەردىڭ حال- جاعدايىن تارازداعى اسكەري گوسپيتالعا ءوزى بارىپ ءبىلدى.
بۇگىنگى كۇنى اسكەري گوسپيتالدە ساربازدارعا قاجەتتى بارلىق مامانداندىرىلعان مەديتسينالىق كومەك كورسەتىلگەن، اسكەري قىزمەتشىلەردىڭ جاعدايى تۇراقتى، دەپ حابارلايدى ق ر ق م باسپا ءسوز قىزمەتى.
سونداي- اق، اسكەري ۆەدومستۆونىڭ باسشىسى قازا بولعان اسكەري قىزمەتشىلەردىڭ وتباسىلارىمەن كەزدەستى. قورعانىس ءمينيسترى مەرت بولعان ازاماتتاردىڭ وتباسىلارى مەن تۋعان- تۋىسقاندارىنا كوڭىل ايتا وتىرىپ، ولاردىڭ ءارقايسىسىنىڭ وزدەرىنىڭ اسكەري بورىشىن ابىرويمەن اتقارىپ، اسكەري قىزمەتتىڭ حاس شەبەرى بولعانىن اتاپ ءوتتى.
قازىرگى كەزدە ۇكىمەتتىك كوميسسيا جامبىل وبلىسىندا ورىن العان قايعىلى وقيعانىڭ ءمان- جايىن انىقتاپ، انىق- قانىعىنا جەتۋ ءۇشىن تەرگەۋدى جالعاستىرۋدا.
