قانات يسلامدى الەمدىك دەڭگەيدەگى دارىن يەسى دەپ اتادى
«قازاقستاندىق قانات يسلام برازيليالىق روبسون ءاسسيستى ءبىرىنشى راۋندتا- اق نوكاۋتقا جىبەرىپ، ءوزىنىڭ ستاتيستيكاسىن 23-0-كە جەتكىزدى. ناعىز جاۋىنگەر. الەمدىك دەڭگەيدەگى دارىن يەسى»، - دەپ جازدى ماككافەري تۆيتتەردە.
ەسكە سالايىق، بۇگىن ۋيلمينگتون قالاسىندا (ا ق ش، دەلاۆەر شتاتى) WBO Intercontinental جانە WBA Fedelatin تۇجىرىمدارى بويىنشا الەم چەمپيونى، ءبىرىنشى ورتا سالماقتاعى قانات يسلام (22-0-0, 19 ك و) مەن برازيليالىق روبسون اسسيس (17-4-0, 9 ك و) اراسىندا كەزدەسۋ ءوتتى. قازاقستاندىق بوكسشى قارسىلاسىن ءبىرىنشى راۋندتىڭ سوڭىندا سۇلاتىپ سالدى.
بوكسشىلاردىڭ كەزدەسۋى كىشى روي- دجونستىڭ بوكس كەشىنىڭ اياسىندا وتكەن بولاتىن.
بۇل الەمگە «قازاق» دەگەن اتپەن تانىلعان قانات يسلامنىڭ كاسىپقوي رينگتەگى 23- كەزدەسۋى. ول وسىعان دەيىن وتكىزگەن 22 كەزدەسۋدىڭ بارلىعىندا جەڭىسكە جەتىپ، ونىڭ 18- ءىن نوكاۋتپەن اياقتادى.
