10:12, 19 - اقپان 2017 | GMT +5
نەلسون لوپەس: مەيۆەزەر مەن كانەلو، ساقتانىڭىزدار، قانات كەلە جاتىر
استانا. قازاقپارات - قازاقستاندىق بوكسشى قانات يسلام برازيليالىق روبسون اسسيستى جەڭگەننەن كەيىن، قاناتتىڭ باپكەرى نەلسون لوپەس ءسوز سويلەدى، دەپ حابارلايدى Sports.kz.
«قانات - الەمنىڭ كەلەسى چەمپيونى. قازاقستان جاڭا چەمپيوندى كورگىسى كەلەدى. بۇل ءبىزدىڭ ارمانىمىز. ءبىز كەز كەلگەن قارسىلاسقا دايىنبىز. تەك ءبىر ماسەلە بار - ولار بىزبەن ايقاسقىسى كەلمەيدى. كانەلو، مەيۆەزەر، ساقتانىڭىزدار، قانات كەلە جاتىر! قاناتپەن جەكپە- جەككە شىعۋ ءۇشىن مەيۆەزەر ەشقاشان رينگكە قايتىپ كەلمەيدى. ەشكىمنىڭ قاناتپەن ايقاسقىسى كەلمەيدى»، - دەپ مالىمدەدى لوپەس.
بۇدان بۇرىن يسلام ساۋل الۆارەس «كانەلومەن» نەمەسە ميگەل كوتتومەن جەكپە- جەككە شىققىسى كەلەتىندىگىن ايتقان بولاتىن.
