استانادا تەمىرگە جان بىتىرگەندەر سايىسى ءوتتى - كەسكىن

استانا. قازاقپارات -  عىلىمي- تەحنيكالىق شىعارماشىلىقتى شىڭداۋ ماقساتىندا استانا قالاسى ءبىلىم باسقارماسىنىڭ ۇيىمداستىرۋىمەن روبوت تەحنيكادان چەمپيونات ءوتتى.

وقۋشىلار اراسىنداعى سايىسقا 250 وقۋشىدان تۇراتىن 125 كوماندا قاتىستى. ولار -  رەسپۋبليكانىڭ ءار قيىرىنان كەلگەندەر. استانانىڭ وزىنەن 86 جاس جەتكىنشەك قاتىسىپ، ولار 43 كوماندانى قۇرادى. جاستايىنان تەحنيكانى مەڭگەرىپ، تەمىرگە جان بىتىرگەن زەرەك وقۋشىلار ءارتۇرلى تاپسىرمالار ورىندادى. سايىس الداعى ۋاقىتتا ءداستۇرلى تۇردە وتەتىن بولادى. شولپان قيرابايەۆا، «دارىن» عىلىمي- تاجىريبيەلىك ورتالىقتىڭ ديرەكتورى: - بىلتىر ءال- فارابي اتىنداعى قازاق ۇلتتىق ۋنيۆەرسيتەتىمەن بىرىگىپ، حالىقارالىق ينفورماتيكا وليمپياداسىن وتكىزدىك. سوندا جارىسقا الەمنىڭ 86 مەملەكەتىنەن قاتىسۋشىلار كەلدى. سونىڭ ىشىندە قازاقستاندىق جاستار 8 ورىن الدى. بۇل -  وتە تاماشا ناتيجە.

www.24.kz