تانىمال گولليۆۋد اكتەرى ەشقاشان اكە اتانعىسى كەلمەيتىنىن ايتتى

استانا. قازاقپارات - تانىمال گولليۆۋدتىك اكتەر كيان ريۆز ەشقاشان اكە اتانبايتىنىن ايتتى. ول بريتانيالىق Esquire باسىلىمىنا بەرگەن سۇحبات بارىسىندا وسىنداي اشىق مالىمدەمە جاسادى.

«مەنىڭ جاسىم 52 دە، ەندى تىم كەش. مەن اكە اتانۋعا تىرىسپايمىن، وسىمەن ءبارى ءبىتتى»، - دەدى اكتەر.

الايدا باسىلىم جۋرناليستى ادامداردىڭ كەز- كەلگەن جاستا اكە اتانۋعا مۇمكىندىگى بار ەكەنىن ايتىپ، سوزىنە مىسال رەتىندە 73 جاسىندا بالالى بولعان The Rolling Stones كوشباسشىسى ميك دجاگگەردى كەلتىرەدى.

«ونىڭ جاسى قانشادا ءوزى؟... ول ولمەيتىن»، - دەيدى اكتەر.

كيان ريۆز ەشقاشان ۇيلەنبەگەن. 1999 -جىلى ول اكە اتانۋى مۇمكىن ەدى، الايدا سۇيىكتىسى دجەننيفەر سايم ءولى قىزدى ومىرگە الىپ كەلەدى. ەكى جىلدان سوڭ سايم جول اپاتىنان قايتىس بولدى.

ريۆز جالعىزدىققا بەيىمدىلىگىمەن تانىمال. ونى جالعىز تاماق نەمەسە كوفە ءىشىپ وتىرعان، نەمەسە ساياباقتا ارالاپ جۇرگەن كەيپىندە ءجيى كورۋگە بولادى ەكەن.

دەرەككوز: Stan.kz