مودەل جۇرتتى تاڭعالدىرۋ ءۇشىن وتە قاۋىپتى فوتو ءتۇسىرىلىم جاسادى - فوتو، ۆيدەو

استانا. قازاقپارات - رەسەيلىك مودەل ۆيكتوريا ودينتسوۆا كوزتارتارلىق سۋرەتتەر جاساۋ ءۇشىن دۋبايداعى كوپقاباتتى عيماراتتاردىڭ شاتىرىنا شىعىپ الدى.

ول ءوزىنىڭ قاۋىپسىزدىگىن قامتاماسىز ەتەتىن ەشقانداي زاتتى قولدانعان جوق.

بۇل تۋرالى رەسەيلىك باسىلىمدار جارىسا جازۋدا، دەپ حابارلايدى Stan.kz.

جەردەن جۇزدەگەن مەتر بيىكتىككە شىعىپ العان بويجەتكەن تەك فوتوگرافتىڭ قولىنان ۇستاپ اۋادا قالقىپ تۇرعان.

ءتۇسىرىلىم الاڭىندا جاسالعان فوتو مەن ۆيدەولاردى ۆيكتوريا ءوزىنىڭ جەلىدەگى پاراقشاسىنا جۇكتەپ قويدى.

 

فوتوتۇسىرىلىمدى تانىمال پەتەربۋرگتىك فوتوگراف الەكساندر ماۆرين ۇيىمداستىرعان. ال ۆيكتوريانىڭ ءوزى ومىرىنە قاۋىپ توندىرگەن فوتوتۇسىرىلىمگە كەلىسكەنىنە سەنە الار ەمەس.

«وسى نارسەنى جاساعانىما سەنە الار ەمەسپىن. سۋرەتتەر مەن ۆيدەولاردى كورگەن سايىن الاقانىم تەرلەپ كەتەدى»، - دەيدى ول.

كەيبىر جەلى قولدانۋشىلارى سۋرەتتەردىڭ شىنايىلىعىنا كۇمان كەلتىرگەندىكتەن، ۆيكتوريا ءتۇسىرىلىم الاڭىنان ۆيدەو جاريالادى.

پىكىر بىلدىرگەندەردىڭ باسىم بولىگى ءلۇپىل ءۇشىن باسىن قاتەرگە تىككەن سانبيكەنى اياماي سىناپ تاستادى. كەيبىرەۋلەر بويجەتكەننىڭ باتىلدىعىنا قايران قالدى.

نەبارى 6 مينۋتقا سوزىلاتىن بەينەروليك ءبىر اپتانىڭ ىشىندە ءبىر ميلليون كورىلىم جينادى. بەينەسيۋجەتتە فوتو ءتۇسىرىلىمدى جوسپارلاۋ ساتىنەن باستاپ ول اياقتالعانعا دەيىن ءسات قامتىلعان.

23 جاستاعى ۆيكتوريا ودينسوۆا رەسەيلىك مودەلدىك اگەنتتىكتىڭ ەڭ تانىمال سانبيكەسى.