نازاربايەۆ زياتكەرلىك مەكتەپتەرى ءوز جەتىستىكتەرىن كورسەتەدى
ەلوردانىڭ «استانا» اتتى كونسەرت زالىندا (بۇرىنعى كونگرەسس-حولل) ساعات 16:00-دە وتەتىن ەسەپ بەرۋ شارالارى بارىسىندا نازاربايەۆ زياتكەرلىك مەكتەپتەرىنىڭ وقىتۋ مەن تاربيە بەرۋ جۇمىستارى تانىستىرىلادى. ارنايى شەبەرلىك ساباقتارى ۇيىمداستىرالادى. سونداي-اق مەكتەپ وقۋشىلارىنىڭ ءوز قولىمەن جاساعان بۇيىمدارى ارنايى ساتىلىم كورمەسىنە شىعارىلاتىن بولادى.
«ءبىز العاش رەت نازاربايەۆ زياتكەرلىك مەكتەپتەرىندە وقيتىن بالالاردىڭ جۇمىستارىن xالىقتىڭ نازارىنا ۇسىنامىز»، - دەيدى «نازاربايەۆ زياتكەرلىك مەكتەپتەرى» ا ق باسقارما ءتورايىمى كۇلاش ءشامشيدينوۆا.
ونىڭ ايتۋىنشا، كونسەرت زالىن 1,8 ميلليون تەڭگەگە جالعا الۋعا تۋرا كەلدى. ءبىراق ول اقشانى دەمەۋشىلەر وتەپ بەرۋگە نيەت ءبىلدىردى.
ايتا كەتەيىك، نازاربايەۆ زياتكەرلىك مەكتەپتەرىن قۇرۋدىڭ باستى ماقساتى - ءبىلىم بەرۋ سالاسىنداعى ۇزدىك تاجىريبەنى جيناقتاپ، وتاندىق مەكتەپتەرگە تاراتۋ. وسىعان وراي، بۇگىندە ەلدىڭ تۇكپىر- تۇكپىرىنەن كەلەتىن مۇعالىمدەر زياتكەرلىك مەكتەپتەردىڭ بازاسىندا ءوز بىلىمدەرىن شىڭداپ، ءبىلىم بەرۋدى جاڭاشا جۇرگىزۋگە ۇيرەنىپ ءجۇر.
اۆتور: ارمان اسقاروۆ
