قانات يسلام روبسون اسسيستى نوكاۋتقا جىبەردى - فوتو، كەسكىن
جەكپە- جەك نەبارى ءبىر راۋندتقا سوزىلدى. قانات جەكپە- جەكتى قارقىندى باستادى. دەگەنمەن قانات يسلامنىڭ قاباعىنا جاراقات سالىندى. بۇعان قاراماعان قازاق بوكسشىسى قارسىلاسىن بۇرىشتان بۇرىشقا قۋالاپ ءجۇرىپ، سوققىلارىن دارىتتى. راۋندتىڭ سوڭعى سەكۋندتارى قالعاندا، قاناتتىڭ وڭ قولىمەن سەرمەگەن جۇدىرىعى قارسىلاسىن شالقاسىنان قۇلاتتى. بۇل سوققىدان روبسون ەسەڭگىرەپ، تۇرا المادى. جەكپە- جەكتەن كەيىنگى سۇحباتىندا قانات يسلام بارشا قازاق جۇرتىنا، ق ر پرەزيدەنتى نۇرسۇلتان نازاربايەۆقا العىسىن ايتتى.
بوكسشىلاردىڭ كەزدەسۋى كىشى روي- دجونستىڭ بوكس كەشىنىڭ اياسىندا وتكەن بولاتىن. بۇل الەمگە «قازاق» دەگەن اتپەن تانىلعان قانات يسلامنىڭ كاسىپقوي رينگتەگى 23- كەزدەسۋى. قانات وسىعان دەيىن 22 كەزدەسۋىندە جەڭىسكە جەتىپ، ونىڭ 18 ىن نوكاۋتپەن اياقتاعان. ال، روبسون كاسىپقوي رينگتە 19 كەزدەسۋىنىڭ 16 ىن جەڭىپ، 9 جەكپە- جەگىندە قارسىلاسىن مەرزىمىنەن بۇرىن ۇتىپ، ۇشەۋىندە جەڭىلىسكە ۇشىراعان.
