02:20, 18 - اقپان 2017 | GMT +5
قازاقستان مەن جاپونيانىڭ اسكەري ىنتىماقتاستىعى دامۋ ۇستىندە
استانا. قازاقپارات - قازاقستاننىڭ قورعانىس مينيسترلىگىندە ق ر قورعانىس ءمينيسترىنىڭ ورىنباسارى گەنەرال- مايور تالعات مۇحتاروۆ پەن جاپونيانىڭ قازاقستانداعى توتەنشە جانە وكىلەتتى ەلشىسى يتيرو كاۆاباتويمەن كەزدەسۋ ءوتتى.
كەزدەسۋ بارىسىندا ەكىجاقتى اسكەري ىنتىماقتاستىقتىڭ اعىمداعى ماسەلەلەرى تالقىلاندى. وسى كەزدەسۋدىڭ اياسىندا قازاقستاننىڭ قورعانىس مينيسترلىگى مەن جاپونيا اراسىنداعى قورعانىس ىنتىماقتاستىعى مەن ءوزارا ءىس- قيمىل اۋقىمىنداعى مەموراندۋمعا قول قويىلدى. بۇل قۇجاتتىڭ جوباسى الدىن الا تاراپتارمەن ازىرلەنىپ، كەلىسىلگەن بولاتىن. قازاقستان ىشكى ساياسي جانە ەكونوميكالىق ماقساتتىلىققا سۇيەنە وتىرىپ، مەملەكەتتىڭ اسكەري قاۋىپسىزدىگىن قامتاماسىز ەتۋدە مىندەتتەردى ءبىرقالىپتى شەشۋ ءۇشىن حالىقارالىق اسكەري جانە اسكەري- تەحنيكالىق ىنتىماقتاستىقتى بەلسەندى دامىتىپ كەلەدى. قازىرگى ۋاقىتتا قازاقستان مەن جاپونيانىڭ اسكەري ىنتىماقتاستىعى دامۋ ۇستىندە.
دەرەككوز: strategy2050.kz
