وتاندىق ءدارى- دارمەكتىڭ ۇلەسى ارتادى

استانا. قازاقپارات - ءوز ءونىمىمىزدى ءوتىمدى ەتۋ ءۇشىن نە ىستەۋ كەرەك؟ وسى ساۋالعا جاۋاپ ىزدەگەن ءبىر توپ دەپۋتات بۇگىن شىمكەنتتەگى فارماتسيەۆتيكالىق وندىرىستەردى ارالاپ، سالا ماماندارىنىڭ ۇسىنىس- تىلەكتەرىن تىڭدادى.

 ايتۋلارىنشا، الدا وتاندىق ءدارى- دارمەككە سۇرانىستى ۇلعايتۋدىڭ زاڭنامالىق تەتىكتەرى دايىندالاتىن بولادى. ەلىمىزدەگى فارميندۋستريانى دامىتىپ وتىرعان شىمكەنتتەگى «حيم فارم» زاۋىتى ءدارى- دارمەكتىڭ 200-دەن استام ءتۇرىن شىعارادى.

كومپانيا وتكەن جىلى 22 ميلليارد تەڭگەنىڭ ءونىمىن وندىرگەن. بيىل بۇل مەجەنى 20 پايىزعا ۇلعايتۋ جوسپارلانىپتى. الايدا ەكسپورت كولەمى نە بارى 17 پايىزدى قۇرايدى. «ءبىز نەگىزىنەن ەلباسى تاپسىرماسىنا سايكەس، ىشكى سۇرانىستى قاناعاتتاندىرىپ، سودان سوڭ ەكسپورتقا ءمان بەرەمىز»، -  دەيدى زاۋىت باسشىلىعى. رۋستام بايگارين، زاۋىت ديرەكتورى:

 - ءبىزدىڭ كومپانيانىڭ ساياساتى -  ەڭ اۋەلى ساپا. سوسىن بارىپ، باعانىڭ تۇراقتىلىعىنا ءمان بەرۋ. ءبىزدىڭ ءاربىر پرەپارات ەلىمىزدەگى كەز كەلگەن تۇرعىنعا قولجەتىمدى باعادا بولۋى ءتيىس.

ماجىلىسمەندەر باس سۇققان كەلەسى ءوندىرىس ورنى -  «ەكوفارم ينتەرنەشنل» كومپانياسى. ۆاكۋمدىق پروبيركالار مەن ەكىجاقتى ينە ءوندىرىسىن قولعا العان ءارى ت م د- دا ءبىرىنشى اشىلعان كاسىپورىن. ازىرگە شىعارعان تاۋارلارىن ەكسپورتقا ەندى عانا ۇسىنۋدا. ال ەلىمىزدە بۇل زاۋىتتىڭ ونىمىنە دەگەن سۇرانىس دەڭگەيى تومەن.

«سوندىقتان دا مەملەكەتتىك تاپسىرىس كەزىندە وتاندىق ونىمگە باسىمدىق بەرىلسە، ونەركاسىپ اۋقىمى كەڭەيەر ەدى»، -  دەيدى سالا ماماندارى.

گۇليا جۇزەنوۆا، كاسىپورىننىڭ اتقارۋشى ديرەكتورى:

- ءبىرىنشى زاۋىت اشىلعان كەزدەگى اناليز بويىنشا، 64 ميلليونعا دەيىن تاۋاردى قازاقستانداعى بۇكىل مەديتسينالىق مەكەمەلەر الۋ كەرەك بولاتىن. ءبىراق بۇگىنگى تاڭدا 20-21 ميلليون عانا ءونىمدى الىپ وتىر. ول دەگەن ءسوز 40 ميلليون داناسىن باسقا قىتاي ەلىنەن ساۋدالايدى.

كۇنگەيدەگى ءدارى- دارمەك شىعاراتىن كاسىپورىنداردىڭ جۇمىسىمەن تانىسقان پارلامەنت دەپۋتاتتارى ءتۇس اۋا ارنايى ۋاقىتشا كوميسسيانىڭ كوشپەلى وتىرىسىن وتكىزدى. جيىندا حالىقتىڭ ساپالى دارىلىك زاتتارعا تەڭ قول جەتكىزۋى باستى نازارعا الىندى.

«مۇنداعى ءاربىر ۇسىنىس زاڭ جوباسىن دايىنداۋدا ۇلكەن ءرول اتقارادى»، -  دەيدى دەپۋتات بەيبىت مامىرايەۆ. بەيبىت مامرايەۆ، ق ر پارلامەنتى ءماجىلىسىنىڭ دەپۋتاتى:

 - ءدارى- دارمەكتەرگە باعانى قالىپتاستىرۋ، سونىڭ زاڭدىلىق جاعىن قاراستىرۋ، ياعني جاڭا زاڭ جوباسىن دايىنداۋ ءۇشىن ءبىز وسىندا كەلدىك.

 ايتا كەتەيىك، 2018 -جىلدان باستاپ ەۋرازيالىق ەكونوميكالىق وداقتىڭ ءدارى- دارمەكتەر سالاسىنداعى ەرەجەلەرى كۇشىنە ەنەدى. سوندىقتان بۇعان دا وتاندىق كاسىپورىندار دايىن بولۋى قاجەت.

اۆتورلارى: نۇربەك بايبوسىن، نۇرماحان مۇساتوۆ

www.khabar.kz