21:50, 17 - اقپان 2017 | GMT +5
قار كوشكىنى كەزىندە ساربازداردىڭ قازا تابۋىن قورعانىس ءمينيسترى باسقاراتىن كوميسسيا تەكسەرەدى
استانا. قازاقپارات - بۇگىن، 17 - اقپاندا جامبىل وبلىسىنداعى كوكساي شاتقالىندا ءوتىپ جاتقان 91678 اسكەري ءبولىمى اسكەري قىزمەتشىلەرىنىڭ جاۋىنگەرلىك دايىندىعى بويىنشا جوسپارلى ساباعى بارىسىندا كۇتپەگەن جەردەن قار كوشكىنى ورىن الدى. جاۋىنگەرلىك دايىندىق ساباعىنا بارلىعى 23 ادام قاتىسقان، دەلىنگەن ق ر قورعانىس مينيسترلىگىنىڭ رەسمي حابارلاماسىندا.
قازىرگى تاڭدا جامبىل وبلىسى كوكساي شاتقالىنداعى ىزدەستىرۋ- قۇتقارۋ جۇمىستارى اياقتالدى، 7 اسكەري قىزمەتشى قازا تاپتى. ىزدەستىرۋ ءىس- شارالارىنا قارۋلى كۇشتەردىڭ اسكەري قىزمەتشىلەرى، جامبىل وبلىستىق ت ج د جەدەل جاساعى، شەكارا قىزمەتىنىڭ اسكەري قىزمەتشىلەرى ارنايى تەحنيكامەن جۇمىلدىرىلدى.
قورعانىس مينيسترلىگىنىڭ باسشىلىعى قازا تاپقانداردىڭ وتباسى مەن تۋىستارىنا قايعىرىپ كوڭىل ايتادى.
ق ر پرەمەر- ءمينيسترىنىڭ قاۋلىسىنا سايكەس، قورعانىس مينيسترلىگىنىڭ باسشىلىعىمەن كوميسسيا قۇرىلدى.
