قاراعاندى وبلىسىندا بيىلعى جىلى بەس زاۋىت ىسكە قوسىلادى

قاراعاندى. قازاقپارات - بيىلعى جىلى قاراعاندى وبلىسىندا بەس زاۋىت اشىلادى، دەپ حابارلايدى «قازاقپارات» ح ا ا ءتىلشىسى ءوڭىر باسشىسى نۇرمۇحامبەت ابدىبەكوۆكە سىلتەمە جاساپ.

جىلى بلوك وندىرەتىن زاۋىت، مىستى سىلتىدەن ايىرۋ زاۋىتى، قاعاز قالدىقتارىن قايتا وڭدەۋ جانە سەلليۋلوزا زاۋىتتارى ىسكە قوسىلادى. سونداي- اق، سارىوپان كەن ورنى بازاسىندا اكتاس ءوندىرۋدى قولعا الىپ، وتقا ءتوزىمدى ماتەريالدار شىعاراتىن زاۋىت قۇرۋ جوسپارلانعان.

قاراعاندى وبلىسىنىڭ اكىمى نۇرمۇحامبەت ابدىبەكوۆ حالىققا ەسەپ بەرۋ كەزىندە ايتقانداي، بۇل جاڭا كاسىپورىندار «كاسىپكەرلىكتى قولداۋ كارتاسى» باعدارلاماسى اياسىندا اشىلادى.

«كاسىپكەرلىكتى قولداۋ كارتاسى اياسىندا 10 جوبانى جۇزەگە اسىرۋ جوسپارىمىزدا بار. ودان بولەك، كارتادان تىس 2 ميلليارد 400 ميلليون تەڭگەلىك ينۆەستيتسيا كولەمىندەگى قوسىمشا توعىز جوبا ىسكە اسىرىلادى»، - دەدى قاراعاندى وبلىسىنىڭ اكىمى نۇرمۇحامبەت ابدىبەكوۆ.