مەرۋەرت تۇسىپبايەۆا ۇمىت قالعان ۇلتتىق تاعامداردى جاڭعىرتا باستادى

بۇل تۋرالى Stan.kz حابارلايدى.

بىرنەشە ساعات بۇرىن ءانشى جەلىدەگى پاراقشاسىنا كەزەكتى ۆيدەوسىن جۇكتەدى. وندا ول قازاقتىڭ «قارىن بۇرمە» دەپ اتالاتىن تاعامى تۋرالى اڭگىمەلەدى.

«مىنا «قارىن بۇرمە» دەگەن قازاقتىڭ، ناعىز كونە كوشپەلى قازاقتىڭ ۇلتتىڭ تاعامى. ءبىز دەگەنىمىز پالاۋدى، لاعماندى جەيمىز. نەگە ءبىز قازاقتار ءوزىمىزدىڭ ۇلتتىق كونە تاعامدارىمىزدى ىزدەستىرىپ، بۇل قالاي جاسالدى ەكەن دەپ زەرتتەپ، جەمەيمىز؟ مەن قازىر كەسىپ، جاقسىلاپ تۇرىپ مۇنى جەيمىن» ، - دەيدى تۇسىپبايەۆا.

ودان كەيىن ءانشى قارىننىڭ ءىشىن «اقتارىپ»، وندا نە بار ەكەنىن كورسەتتى. ءانشى بۇل تاعامنىڭ دەنساۋلىققا پايداسى زور ەكەنىن اتاپ ءوتتى.

«دۇرىس تاماقتانۋ دەپ جاتادى عوي قىزدار. مىنە سىزگە ناعىز دۇرىس ازىق»، - دەيدى تۇسىپبايەۆا.

ايتا كەتەيىك، بۇرمە - كەسەكتەپ تۇرالعان ەتتى ءوزىنىڭ مايى مەن سولىنە بۇقتىرىپ دايىندايتىن (پىسىرىلەتىن) تاعام ءتۇرى. جەرگىلىكتى جەرلەردە مۇنداي تاعامدى بورتپە، كومبە، قارىن بورتپە دەپ تە اتايدى. بايىرعى ورتادا وسىنداي تاسىلمەن پىسىرىلگەن ەتتى سۋىعان سوڭ قارىنعا سالىپ، توڭازىتىپ قويىپ، كوپ رەتتە ساپارعا شىققان جولاۋشىلار جولازىققا تۇتىنعان.