قازاقستاندا بيلىك وكىلدەرىنە قارسى زورلىق- زومبىلىق جيىلەپ كەتتى

استانا. قازاقپارات - سوڭعى جىلدارى بيلىك وكىلدەرىنە قاتىستى زورلىق- زومبىلىق قولدانۋ فاكتىلەرى بويىنشا قوزعالعان قىلمىستىق ىستەر سانىنىڭ ءوسۋى بايقالادى.

ماسەلەن، تەك وتكەن جىلدىڭ وزىندە عانا شامامەن 600، 2015 -جىلى 500، 2014 -جىلى 300 دەن استام قىلمىستىق ءىس قوزعالدى. بۇل جايىندا ق ر ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ءوزىنىڭ فەيسبۋكتەگى پاراقشاسىندا جازدى، دەپ حابارلايدى قازاقپارات.

«مەملەكەتتىك ورگانداردىڭ بارلىق قىزمەتكەرلەرىنىڭ ءومىرى مەن دەنساۋلىعىن قورعاۋ ءۇشىن ايىپپۇل كولەمىن 2 مىڭنان 5 مىڭ اەك- كە دەيىن (4,5 ميلليوننان 11,5 ميلليونعا دەيىن) ۇلعايتۋ جانە 2 دەن 5 جىلعا دەيىن باس بوستاندىعىنان ايىرۋ ارقىلى ونى ورتاشا اۋىر قىلمىس ساناتىنا جاتقىزۋ جولىمەن ق ك 380 -بابى 1 -تارماعىندا كوزدەلگەن جازانى قاتاڭداتۋ ۇسىنىلدى. تۇزەتۋ قىلمىس ءۇشىن 500 دەن 10 مىڭ ا ە ك شەگىندەگى ايىپپۇل كوزدەلگەن ق ك 41 -بابىنا، زاڭناما نورمالارىنا سۇيەنىپ ازىرلەندى»، - دەپ جازدى ول.

سادۋبايەۆتىڭ اتاپ وتۋىنشە، ايىپپۇل كولەمىن جاسالعان قىلمىستىق قۇقىق بۇزۋشىلىقتىڭ اۋىرلىعىن ەسكەرە وتىرىپ سوت بەلگىلەيدى.

«الەمدىك تاجىريبە زەردەلەندى. بۇل جالپى قابىلدانعان تاجىريبە. ازاماتتاردىڭ قاۋىپسىزدىگىن قامتاماسىز ەتۋى ءتيىس قۇقىق قورعاۋ ورگاندارىنىڭ قىزمەتكەرلەرى قىلمىستىق وزبىرلىقتان قورعالعان بولۋى ءتيىس. بۇعان قوسا، شىنايى ءارى ءادىل بولۋى ءۇشىن ءىىم سىرتقى قىزمەتتەردىڭ بارلىق قىزمەتكەرلەرىن تاسىمال رەگيستراتورلارمەن قامتاماسىز ەتۋ بويىنشا شارالار قابىلداۋدا. سوندا ۇستالعان قۇقىق بۇزۋشى ءوزىنىڭ قىلمىس جاساماعاندىعىن ايتا المايدى جانە پوليتسيا قىزمەتكەرلەرى دە وزدەرىنىڭ لاۋازىمدىق مىندەتتەرىن اسىرا پايدالانا المايدى»، - دەدى سادۋبايەۆ.

اۆتور: مارلان جيەمباي