استاناداعى «نۇر استانا» مەشىتى ەلوردا تازالىقشىلارىنا ىستىق اس پەن ءشاي تاراتتى

«التى ايلاپ قىسقى ىزعار مەن قالىڭ قار جاۋعان ارالىقتا قالا تازالىقشىلارىنىڭ قىزمەتى قىزادى. تازالىقشىلار ايازدى كۇنگە قاراماستان قالا قوناقتارى مەن تۇرعىندارىنىڭ، قالا بەردى كولىكتەردىڭ قوزعالىسىنا قولايلىق تۋدىرۋ ءۇشىن الا تاڭنان جۇمىسقا كىرىسەدى. بەل بۋىپ، كۇرەك ارقالاپ، قالتقىسىز ەڭبەك ەتەدى»، - دەلىنگەن مەشىتتىڭ باسپا ءسوز قىزمەتى تاراتقان حابارلامادا. وسىنداي ەڭبەكقور توپقا «نۇر استانا» مەشىتىنىڭ قىزمەتكەرلەرى بۇگىن تاڭەرتەڭ ىستىق اس پەن ءشاي تاراتتى.

«يگىلىكتى شارامەن د. قونايەۆ، ماڭگىلىك ەل جانە قابانباي باتىر كوشەلەرى بويىندا جۇمىسقا جۇمىلدىرىلعان 90 ادام قامتىلدى»، - دەپ اتاپ ءوتتى باسپا ءسوز قىزمەتىنەن.