اقتوبەدە حالىققا باتاسىن جاۋدىرعان ورىس اجەي ەلدىڭ كەرەمەت ىقىلاسىنا بولەندى - كەسكىن
ساعي جيەنبايەۆ اتىنداعى وبلىستىق جاسوسپىرىمدەر كىتاپحاناسىندا «قازاق حالقىنىڭ سالت- داستۇرلەرى مەن ادەت- عۇرىپتارى»: «اق باتا» تاقىرىبىندا ەتنوگرافيالىق كەزدەسۋ بولىپ ءوتتى. شارانىڭ ماقساتى تۋرالى ايتىپ وتكەن كىتاپحانا ديرەكتورى گۇلجاينار قالدينا باتالار جيناعىن ازىرلەگەن ليۋدميلا بايقاداموۆاعا ءسوز بەردى.
جەتپىس جاستا ەكەنىن ايتقان ليۋدميلا اجەي ەر ادامدار وتىرعان جەردە ايەل ادامنىڭ باتا وقىمايتىنىن، تەك وعان جول بەرىلگەن كەزدە عانا رۇقسات ەكەنىن تىلگە تيەك ەتتى.
اق جاۋلىقتى انا قىز بالاعا ارنالعان باتادان وقىپ بەردى، ەر بالاعا بەرىلەتىن باتانى جاتقا ايتتى. ليۋدميلا اجەيدىڭ ايتۋىنشا، قازاقتا كۇلكىلى، ءازىل باتالار دا بولعان، ولار كوبىنەسە ناعاشى مەن جيەن اراسىندا، قۇرداستار اراسىندا ايتىلادى. ءتىپتى، باۋىرجان مومىش ۇلى بەرگەن باتالاردى دا اجەي كوپشىلىك الدىندا وقىپ بەردى.
ليۋدميلا بايقاداموۆا قازاقتىڭ ماقال-ماتەلىن دە جيناپ داپتەرگە ءتۇسىرىپ ءجۇر. ونىڭ ءبىر حوببيى - اسىق جيناۋ.
