سلاۆيان بازارى بايقاۋىندا ديماشقا قاتىستى ورىن العان وقيعا قىتايدا قايتالانباسا ەكەن
الايدا، سول بايقاۋ بارىسىندا ساحنا سىرتىندا ءانشىنىڭ باسىنان وتكەن وقيعا كوپشىلىكتىڭ جاعاسىن ۇستاتىپ، اشۋ- ىزاسىن كەلتىرگەنى ءمالىم.
وقيعانىڭ ءمان- جايىن تولىعىراق تارقاتساق: ديماش «سلاۆيان بازارى» بايقاۋىنىڭ ءۇشىنشى كۇنى ساحناعا شىعاردان ءبىر ساعات بۇرىن سۋ ىشكەننەن كەيىن ءوزىن كەنەتتەن جايسىز سەزىنە باستاعان. سويتسە، ديماشتىڭ تالانتىن بايقاپ، ونىڭ جولىن كەسۋگە تىرىسقان بايقاۋعا قاتىسۋشىلاردىڭ ءبىرى سۋعا ۇيىقتاتاتىن ءدارى قوسىپ كەتكەنى انىقتالدى. ارينە، ونى كىمنىڭ ىستەگەنىن انىقتاۋ مۇمكىن بولمادى. ءبىراق، ءانشىنىڭ دەنساۋلىعىنا اسەر ەتكەن بۇل جاعداي ونىڭ ۇزدىك ونەر كورسەتىپ، باس جۇلدە الۋىنا كەدەرگى كەلتىرە المادى.
قىتايدىڭ حۋنان تەلەارناسىندا ءوتىپ جاتقان «Singer2017» ءان بايقاۋىندا ءساتتى ونەر كورسەتىپ كەلە جاتقان ديماشتىڭ تانىمالدىعى ارتا تۇسكەنى ايتپاسا دا بەلگىلى. ونىڭ قىتايدىڭ ايگىلى كينو اكتەرى دجەكي چانمەن كەزدەسىپ، ارقاسىنا قازاقتىڭ ۇلتتىق شاپانىن جاۋىپ، دومبىرا سىيلاعانى بىلاي تۇرسىن، قازىرگى تاڭدا قىتايدىڭ ساۋدا دۇكەندەرىن ديماشتىڭ سۋرەتتەرى بەينەلەنگەن زاتتار جاۋلاپ الدى. بۇدان بولەك، ديماشتىڭ ونەرىنە ءتانتى بولعان شەتەلدىك جۇلدىزدار دا ونىمەن كەزدەسۋگە ىنتىعىپ وتىر. سولاردىڭ قاتارىندا اتاقتى ءانشى لارا فابيان دا بار.
ال، «Singer-2017» ءان بايقاۋىنىڭ اياقتالۋىنا ءالى ءبىر ايعا جۋىق ۋاقىت بار ەكەنىن جانە وسى بايقاۋ ارقىلى ديماش قۇدايبەرگەننىڭ تانىمالدىعى ارتا تۇسكەنىن ەسكەرە وتىرىپ، جوعارىدا باياندالعان كەلەڭسىز وقيعا تاعى قايتالانباسا ەكەن دەپ تىلەيمىز.
ايدار جاناي
