ديماشتىڭ جانكۇيەرلەرى جانە ولاردىڭ جاساعان تۋىندىلارى - فوتو

 استانا. قازاقپارات -  قىتايداعى ءان بايقاۋدا  باق سىناپ جاتقان وتانداسىمىز ديماش قۇدايبەرگەنوۆتىڭ جانكۇيەرلەرى كۇن ساناپ ارتىپ كەلەدى.

مۇنى جەلىدەگى #thesingerdimash #dears #DQ حەشتەگىمەن تارالعان سانسىز سۋرەتتەردەن بايقاۋعا بولادى.

 Chibi ستيلىندەگى فان- ارت سۋرەتتەردى كورىپ، ەرىكسىز تاڭداي قاعاسىز. كەي مالىمەتتەرگە قاراعاندا، ديماشتىڭ قىتايلىق جانكۇيەرلەرى عيماراتتاردىڭ سىرتىنا جارىق شامدارمەن كومكەرىلگەن، ءانشىنىڭ اتى جازىلعان بيلبورد ءىلىپ قويعان ەكەن. ديماشتىڭ تانىمالدىعى كۇن ساناپ ارتپاسا، كەمىگەن ەمەس. ونىڭ 4-كەزەڭدە ورىنداعان قىتاي تىلىندەگى "كۇزگى مۇڭ" ءانىنىڭ بەينەجازباسىن 3 كۇن ىشىندە   700000 10ادام كورگەن. بۇل تۋرالى PR- مەنەدجەرى الپامىس شاريموۆ مالىمدەدى.

ديماش ميلليونداعان تىڭدارمانداردىڭ جۇرەگىن قايتالانباس ۇنىمەن قاتار كوركەم ءتۇر- سيپاتىمەن دە جاۋلاعان سىڭايلى. ەستەرىڭىزگە سالا كەتەيىك، وتانداس ءانشىمىز 4-كەزەڭدە ۇشتىكتەن كورىنىپ، جالپى ەسەپتە ەكىنشى ورىندا كەلەدى. كەلەسى كەزەڭدە ول بريتانيالىق مۋزىكالىق پروديۋسەر مارك رونسون مەن امەريكالىق تانىمال ءانشى برۋنو مارستىڭ «Uptown Funk» ءانىن ورىندايدى. 5-كەزەڭ سەنبى، 18 - اقپان كۇنى استانا ۋاقىتى بويىنشا 20:30-دا Hunan TV ارناسىنان كورسەتىلەدى.

 

Massaget.kz