جەكەلەگەن داۋلاردى تاتۋلاسى ارقىلى سوتقا دەيىن شەشۋدىڭ جوباسى تالقىلانۋدا
تالقىلاۋعا ەلوردالىق سۋديالار، «نۇر وتان» ح د پ، استانا قالاسى اكىمى اپپاراتىنىڭ، ق ر سۋديالار وداعى فيليالىنىڭ، «ادام جانە تۇتىنۋشى قۇقىقتارىن حالىقارالىق قورعاۋ ورتالىعى» ق ب، «مەدياتسيانى دامىتۋ ورتالىعى» ر ق ب، استانا قالاسى نوتاريالدىق پالاتاسىنىڭ، استانا قالاسى كاسىپكەرلەر پالاتاسىنىڭ، استانا قالاسى ەنەرگەتيكا باسقارماسىنىڭ، ادۆوكاتتار القاسىنىڭ وكىلدەرى جانە ساقتاندىرۋ كومپانيالارىنىڭ باسشىلارى قاتىستى.
ءوز سوزىندە قالالىق سوت سۋدياسى گ. راحمەتوۆا ق ر جوعارعى سوتى مەدياتسيا ينستيتۋتىن كۇشەيتۋ ماقساتىندا ازىرلەگەن جوبانىڭ ارتىقشىلىعى مەن ەرەكشەلىگىن اتاپ ءوتتى. سۋديا مەدياتسيانى مىندەتتى تۇردە وتكىزۋ قاجەت بولاتىن داۋلار ساناتتارىنا باسا نازار اۋداردى. «پيلوتتىق جوبا ازاماتتىق ىستەرگە مامانداندىرىلعان، اۋدانارالىق ەكونوميكالىق، يۋۆەنالدى، اۋداندىق جانە ولارعا تەڭەستىرىلگەن سوتتاردا بالالارعا قاتىستى اليمەنتتەر تۋرالى، نەكە بۇزۋ، مۇلىكتى جانە مۇراگەرلىكتى ءبولۋ، ەڭبەك جانە باسقا دا مىندەتتەمەلەر تۋرالى داۋلاردى سوتقا دەيىنگى رەتتەۋدى كوزدەيدى»، - دەپ اتاپ ءوتتى قالالىق سوتتىڭ سۋدياسى س. الىمبايەۆا. سۋديالار اتاپ وتكەندەي، بۇل جوبا مەدياتسيا ينستيتۋتىنىڭ ودان ءارى دامۋىنا جاڭا سەرپىن بەرەدى، ول تاتۋلاسۋ ءراسىمىن قولدانۋ سالاسىن كەڭەيتۋگە، ازاماتتاردىڭ سوت شىعىستارىن ازايتۋعا، ءارى حالىقتىڭ داۋدى سوتتان تىس رەتتەۋىنە مۇددەلى بولۋىنا الىپ كەلەدى. ءىس- شارا سوڭىندا سۋديالار قاتىسۋشىلاردان پيلوتتىق جوبانى جۇمىلا وتىرىپ ىسكە اسىرۋعا شاقىردى.
