قازاقستاندىق بوكسشى بەلبەۋ قورعاۋعا دايىندالۋدا

استانا. قازاقپارات - ءبىرىنشى ورتا سالماقتاعى قازاقستاندىق كاسىپقوي بوكسشى ەرنار ەشەنوۆ بەلبەۋ قورعاۋعا ازىرلىك ۇستىندە.

ۆكونتاكتە جەلىسىندەگى «پروفي بوكس كازاحستانا» پاراقشاسىندا حابارلانعانداي، 11 -ناۋرىز كۇنى قىتايدىڭ گونكونگ(شياڭگاڭ) قالاسىندا ءبىرىنشى ورتا سالماقتاعى WBC Intercontinental Youth تيتۋلىن قورعاۋ ءۇشىن قازاقستاندىق بوكسشى 26 جاستاعى تانزانيالىق يبراگيم ماوكولىيمەن (11-5-1, 8ك و) ايقاسادى. ايقاس ءۇش مينۋتتان 8 راۋندقا جالعاسادى. 21 جاستاعى ەشەنوۆ كاسىپقوي رينگتە بەس كەزدەسۋ وتكىزىپ، بارلىعىندا (4 ەۋى نوكاۋتپەن) جەڭىسكە جەتكەن.