پاريجدەگى شەرۋ سوڭى جاپپاي تارتىپسىزدىككە ۇلاستى
قۇقىق قورعاۋشىلارمەن اراداعى بولعان جانجالعا 500 گە جۋىق ادام قاتىسقان دەپ جازادى «اسسوشيەيتەد پرەسس» باسىلىمى. قارسىلىق بىلدىرۋشىلەر پوليتسەيلەردى تاسپەن، قۇمىرامەن اتقىلاعان. ال، ءتارتىپ ساقشىلارى كوزدەن جاس اعىزاتىن گاز قولدانعان.
ابىروي بولعاندا، ەشكىم زارداپ شەككەن جوق. تەك جاعدايعا قاراي مەترو ستانساسىنىڭ ءبىرى ۋاقىتشا جابىلدى. بۇعان دەيىنگى بولعان قارسىلىق شارالارى دا ءدال وسىلاي پوليتسيامەن قاقتىعىسقا اكەلىپ سوققان. ءبىر اپتانىڭ ىشىندە ءتارتىپ بۇزعان 100 ادام ۇستالدى. ەستەرىڭىزگە سالا كەتەيىك، مۇنداي بەي-بەرەكەتسىزدىكتىڭ ورىن الۋىنا اقپان ايىنىڭ باسىندا پوليتسەيلەردىڭ ۇستالعان جاس جىگىتتى ابدەن ۇرىپ-سوققاندىعى سەبەپ بولعان ەدى. دارىگەرلەر وعان وپەراتسيا جاساعانىمەن، ءومىرىن ساقتاپ قالا المادى. بولعان وقيعا بەينەكامەراعا ءتۇسىپ قالعان. ءتارتىپ ساقشىلارىنىڭ بىرىنە زورلاۋ، قالعان ۇشەۋىنە جىگىتتى قاتىگەزدىكپەن ۇرىپ-سوقتى دەپ كىنا تاعىلىپ وتىر.
