قازاقستان بىرنەشە جىلدان بەرى العاش رەت ۋران ءوندىرىسىن تومەندەتەدى

استانا. قازاقپارات - قازاقستان بىرنەشە جىلدان بەرى العاش رەت ۋران ءوندىرىسىن تومەندەتەدى، دەپ حابارلايدى قازاقپارات.

ق ر ەنەرگەتيكا مينيسترلىگىنىڭ كەڭەيتىلگەن القا وتىرىسىندا تاراتىلعان مالىمەتتەرگە سايكەس، بىلتىر قازاقستان 24,6 مىڭ توننا ۋران وندىرگەن. 2017 -جىلى ءوندىرۋ كولەمى 22,1 توننا بولادى دەپ جوسپارلانعان.

 «ۋراننىڭ الەمدىك باعاسى 47 پايىزعا دەيىن تومەندەۋىنە بايلانىستى، 2017 -جىلى ونىڭ ءوندىرىسىن ازايتۋ كوزدەلگەن»، - دەپ اتاپ ءوتتى ەنەرگەتيكا ءمينيسترى قانات بوزىمبايەۆ.

ەسكە سالا كەتەيىك، قازاقستان 2009 -جىلى ۋران ءوندىرىسى بويىنشا الەمدە ءبىرىنشى ورىنعا شىقتى جانە باعانىڭ تۇراقسىزدىعىنا قاراماستان، بۇل ورنىن قازىرگى ۋاقىتقا دەيىن ساقتاپ كەلەدى. قازاقستان الەمدىك ۋران ءوندىرىسىنىڭ 40 پايىزىن شىعارۋدا.

اۆتور: جاسۇلان جولدىبايەۆ