ەكسپو كورمەسى اياسىندا ەتنواۋىل اشىلادى
بۇل تۋرالى مادەنيەت جانە سپورت مينيسترلىگىنىڭ القا ماجىلىسىندە ۆەدومستۆو باسشىسى ارىستانبەك مۇحامەدي ۇلى مالىمدەدى.
سونىمەن قاتار، كورمە قارساڭىندا كوكپاردان الەم چەمپيوناتى وتكىزىلەدى. ۇلتتىق سپورتىمىز بەن ات قۇلاعىندا وينايتىن ەلدەن ەرەك ونەرىمىز الەم نازارىنا ۇسىنىلادى. ءمينيستردىڭ ايتۋىنشا، قازاقتىڭ اسىق اتۋ ويىنى بيىل يۋنەسكو- نىڭ ماتەريالدىق ەمەس مادەني مۇرالار تىزىمىنە ەنگىزىلەتىن بولدى. بۇعان دەيىن اتالعان تىزىمگە كيىز ءۇي، ايتىس ونەرى، دومبىرا، قوبىزبەن تارتىلاتىن كۇيلەر جانە ناۋرىز مەيرامى ەنگىزىلىپ، الەمدىك ۇيىمنىڭ قورعاۋىنا الىنعان بولاتىن.
سونداي- اق، مينيستر ەلىمىزدەگى مۇراجايلار قىزمەتىنە توقتالدى. بۇدان بىلاي مۋزەي تەك كورمە الاڭى عانا ەمەس، عىلىمي- زەرتتەۋ باعىتىنا دا بەت بۇرماق.
ارىستانبەك مۇحامەدي ۇلى، ق ر مادەنيەت جانە سپورت ءمينيسترى:
- وسىعان دەيىن عىلىمي زەرتتەۋ جۇمىستارىمەن تەك مەملەكەتتىك مۇراجاي اينالىسىپ كەلدى. بۇگىنگى تاڭدا بىزدەگى ۇلتتىق، مەملەكەتتىك جانە عىلىمي مۇراجايلار دا زەرتتەۋ جۇمىستارىن جۇرگىزۋگە ليتسەنزيا الدى. بۇل دەگەنىمىز ولارعا شەتەلدىك زەرتتەۋ ورتالىقتارىمەن تىعىز قارىم- قاتىناس ورناتىپ، تاجىريبە جيناۋعا سەپتىگىن تيگىزەدى.
www.24.kz
