تالدىقورعان مەن ءۇرىمجى ارالىعىنا جولاۋشىلار ۇشاعى قاتىنايدى

استانا. قازاقپارات - الداعى ۋاقىتتا الماتى وبلىسىندا جەڭىل اۆياتسيانى دامىتۋعا باعىتتالعان ءبىرقاتار اۋقىمدى جوبا جۇزەگە اسادى. ول ءۇشىن الاكول جانە بالقاش اۋداندارى اۋماعىنان جاڭا اۋەجايلار سالىنادى.

 وسىلايشا جەتىسۋ ءوڭىرىنىڭ تۇرعىندارى مەن ەلگە كەلگەن ساياحاتشىلار شەتەلدەگىدەي جەڭىل اۆياتسيانىڭ مۇمكىندىكتەرىن مولىنان پايدالانباقشى. ال تالدىقورعان قالاسىنداعى اۋەجايدىڭ تەرمينالى مەن ۇشۋ- قونۋ الاڭى كۇردەلى جوندەۋدەن وتكەن سوڭ مۇندا ۇلكەن جۇك كولىكتەرى دە ەمىن- ەركىن قاتىناي باستايدى. سونداي- اق ەلىمىزدەگى وزگە قالالارعا جاڭا اۋە رەيستەرى اشىلادى. بولاشاقتا جەتىسۋ ءتورى تالدىقورعاننان ءۇرىمجى مەن ەۋروپانىڭ ءبىرقاتار ەلىنە دە جولاۋشىلار ۇشاعى ۇشا باستايتىن بولادى.

 اۆتورى: ارداق ايبار ۇلى

www.24.kz