رەسەي گازدى قىتايعا قازاقستان اۋماعى ارقىلى ەكسپورتتاي الادى

استانا. قازاقپارات - قازاقستان رەسەيلىك گازدى قىتايعا جەتكىزۋ ءۇشىن ءوزىنىڭ ماگيسترالىن بەرۋگە دايىن. بۇل تۋرالى ق ر ەنەرگەتيكا ءمينيسترى قانات بوزىمبايەۆ ءمالىم ەتتى، دەپ حابارلايدى قازاقپارات.

 مينيسترلىكتىڭ كەڭەيتىلگەن القا وتىرىسىندا ق. بوزىمبايەۆ، ءوز كەزەگىندە قازاقستان دا ءوز گازىن قىتايعا ەكسپورتتاي الاتىندىعىن اتاپ ءوتتى.

«بەينەۋ- بوزوي- شىمكەنت» گاز قۇبىرىنىڭ جەلىلىك بولىگى سالىندى جانە ەكسپورتتالۋدا. 5 ميلليارد تەكشە مەتر گاز ەكسپورتتالىپ ۇلگەردى. ونىڭ ىشىندە 2 ميلليارد تەكشە مەترى 2016 -جىلى تاسىمالداندى. بيىل گاز قۇبىرىنىڭ جوبالىق قۋاتى 10 ميلليارد تەكشە مەترگە دەيىن جەتكىزىلەدى. ەگەر كەزەكتى كەلىسىمدەرگە قول قويىلسا، وتاندىق گازدىڭ ءبىر بولىگىن قىتايعا ەكسپورتتاۋعا مۇمكىندىك بار. سونىمەن قاتار قىتايعا جولداناتىن رەسەيلىك گازدىڭ ترانزيتىن قازاقستاندىق ماگيسترالدار ارقىلى جەتكىزۋ مۇمكىندىگى دە قاراستىرىلۋدا»، - دەدى بوزىمبايەۆ.

ءمينيستردىڭ ايتۋىنشا، تاۋەلسىزدىك جىلدارى ىشىندە ەلدە اۋقىمدى گاز تاسىمالى جۇيەسى قۇرىلدى. جاڭا ەكسپورتتىق جانە ترانزيتتىك مارشرۋتتار اشىلدى. 18 مىڭ شاقىرىم ماگيسترالدى جانە 30 مىڭ شاقىرىم ۇلەستىرۋ گاز قۇبىرلارى سالىندى.

اۆتور: جاسۇلان جولدىبايەۆ