استاناعا اقىلى كىرۋ جۇيەسىن ەنگىزۋ توقتاتىلدى

استانا. قازاقپارات - استانا قالاسىنا سىرتتان كەلگەن كولىكتەرگە اقىلى كىرۋ جۇيەسىن توقتاتا تۇرۋدى شەشتى.

بۇل تۋرالى بۇگىن حالىق الدىندا ەسەپ بەرگەن استانا اكىمى اسەت يسەكەشەۆ ءمالىم ەتتى، دەپ حابارلايدى قازاقپارات.

«ماڭىزدى سۇراق - قالاداعى قوعامدىق كولىك ماسەلەسى. ەلوردا حالقى قارقىندى ءوسىپ كەلە جاتىر، سوندىقتان ءبىز قالالىق كولىكتى باسقارۋدىڭ جاڭا مودەلىن جاساۋدى جوسپارلاۋدامىز. ءبىز بۇندا كەشەندى قارايتىن بولامىز. نەگىزگى ءۇش ماسەلە بار - اۆتوبۋستاردىڭ جەتىسپەۋشىلىگى، ايالدامالاردىڭ تاپشىلىعى، ءۇشىنشىسى - جۇرگىزۋشىلەردىڭ جولدا ءجۇرۋ مادەنيەتى مەن اۆتوبۋس پاركتارىنىڭ جۇمىسى. سوندىقتان ءبىز قوعامدىق تىڭداۋلار وتكىزىپ، بارلىق پىكىر مەن ۇسىنىستاردى ءجىتى تىڭداپ شىقتىق. حالىق پىكىرىن ەسكەرىپ، ءبىز قالاعا اقىلى كىرۋ جۇيەسىن ەنگىزۋدى جانە ابىلايحان مەن قۇدايبەردى ۇلى داڭعىلدارىنا ءبىر باعىتتى قوزعالىستى ەنگىزۋدى توقتاتۋدى ءجون سانادىق»، - دەدى ول.

ونىڭ ايتۋىنشا، استانادا ۇكىمەتتىڭ قولداۋىمەن 386 جاڭا اۆتوبۋس ساتىپ الىنادى. حالىق ارىزدارىنىڭ نەگىزىندە مارشرۋتتاردىڭ باعىتى دا وزگەرىسكە ۇشىرايدى. سونىمەن قاتار قوعامدىق كولىككە ارنالعان ارنايى جولاقتار 60 شاقىرىمعا ۇلعايتىلماق.

اۆتور: جاسۇلان جولدىبايەۆ