قۇمنان سوعىلعان قامال گيننەستىڭ رەكوردتار كىتابىنا ەندى - كەسكىن

قۇمنان سوعىلعان قامالدىڭ قۇرىلىسى 9 كۇنگە سوزىلعان. نەگىزگى تاقىرىبى - بەيبىتشىلىك. سوندىقتان دا، عيماراتتىڭ باستى سيمۆولى رەتىندە كوگەرشىن الىنعان، سونىمەن قاتار وندا ماحاتما گانديدىڭ، نەلسون مادەلانىڭ جانە بۋددانىڭ پورترەتتەرى بەينەلەنگەن.

ءمۇسىننىڭ اۆتورى - ءۇندىستاننىڭ بەلگىلى سۋرەتشىسى، جەرگىلىكتى ۋنيۆەرسيتەتتىڭ وقىتۋشىسى سۋدارسان پاتتنايك. ونىڭ يدەياسىن ىسكە اسىرۋ ءۇشىن وعان 45 ستۋدەنت جاردەمدەسكەن.

قۇمنان سوعىلعان قامال گيننەستىڭ رەكوردتار كىتابىنا ەندى. بۇعان دەيىنگى رەكورد ا ق ش- تا ورناتىلعان بولاتىن.

ەستەرىڭىزگە سالا كەتەيىك، مۇنداي قۇمنان سوعىلعان قامالدار جىل سايىن سوعىلىپ، جىل سايىن رەكورد جاڭارىپ كەلەدى. اتاپ ايتقاندا، 2015 -جىلى مايامي جاعاجايىندا Turkish Airlines اۋە كومپانياسىنىڭ تاپسىرىسىمەن سوعىلعان قامالدىڭ بيىكتىگى 13,7 مەتر بولسا، ونىڭ الدىنداعى رەكورد 2014 -جىلى برازيليادا سوعىلعان بيىكتىگى 12,5 مەتر قامالعا تيەسىلى بولاتىن.