قازاقستاندىقتار ءۇشىن نەسيەلەر ارزانداۋى مۇمكىن

استانا. قازاقپارات - ق ر ۇلتتىق بانكى بيىل بازالىق پايىزدىق مولشەرلەمەنىڭ تولەمەۋ مۇمكىندىگىن جوققا شىعارمايدى.

بۇل تۋرالى Sputnik حابارلايدى.

ۇلتتىق بانك باسشىسى دانيار اقىشەۆ ق ر پارلامەنتى ءماجىلىسىنىڭ وتىرىسىندا ءسوز سويلەگەن كەزىندە، 2017 -جىلى بازالىق پايىزدىق مولشەرلەمەنىڭ تومەدەۋ مۇمكىندىگىن جوققا شىعارمادى. «2016 -جىلى بازالىق مولشەرلەمە 17 پايىزدان 12 پايىزعا دەيىن تومەندەگەن بولاتىن. 2017 -جىلى بازالىق مولشەرلەمەنىڭ بۇدان ءارى تومەندەۋ ىقتيمالدىعى جوعارى. ۇلتتىق بانك جۇمىسىنىڭ نەگىزگى ەكپىنى اقشا نارىعىندا نارىقتىق پايىزدىق مولشەرلەمەنى قالىپتاستىرۋعا باعىتتالادى»، - دەپ حابارلادى اقىشەۆ.

بۇدان بولەك ۇلتتىق بانك قىزمەتىنىڭ ماڭىزدى باعىتى باعا تۇراقتىلىعىن قامتاماسىز ەتۋ بولىپ قالادى. «2017 -جىلدىڭ قورىتىندىلارى بويىنشا ينفلياتسيا %6-8 دالىزىنە ورالدى، ويتكەنى جىلدىق كورسەتكىشتە %7,9 دى قۇرايدى. ءبىزدىڭ بولجام بويىنشا، 2017 -جىلى ينفلياتسيا دەڭگەيى ەسەڭگىرەۋلەر بولماعان جاعدايدا ۇكىمەت پەن ۇلتتىق بانك بەلگىلەگەن ءدالىزدىڭ ىشىندە بولادى»، - دەپ اتاپ ءوتتى اقىشەۆ.

بۇل رەتتە، ونىڭ سوزىنە قاراعاندا ۇلتتىق بانك ينفلياتسيا مەن ماكروەكونوميكالىق تۇراقتىلىق بويىنشا ماقساتتار اراسىنداعى ءتيىمدى تەڭگەرىم ىزدەۋ جولىمەن ۇزاق مەرزىمدى ەكونوميكالىق وسىمگە جاعداي جاسايتىن بولادى.