قازاقستاننىڭ ءبىرىنشى راكەتكاسى دوحاداعى جارىستى جالعاستىرۋدان باس تارتتى

استانا. قازاقپارات - قازاقستاننىڭ ءبىرىنشى راكەتكاسى يۋليا پۋتينسيەۆا دوحا قالاسىندا ءوتىپ جاتقان Qatar Total Open جارىسىنداعى كەزدەسۋىن جالعاستىرۋدان باس تارتتى، دەپ جازادى Vesti.kz. WTA سەرياسىنىڭ ايەلدەر اراسىنداعى جەكەلەي سىنىنىڭ ەكىنشى كەزەڭىندە قازاقستاندىق تەننيسشى پۋەرتوريكاندىق مونيكا پۋيگپەن كۇش سىناسقان.

الايدا پۋتينسيەۆا 2:6, 6:4, 1:2 ەسەبى كەزىندە كەزدەسۋدە جالعاستىرۋدان باس تارتتى. وسىلايشا ول جارىس جولىنان شىعىپ قالدى. كەزدەسۋ 1 ساعات 48 مينۋتقا سوزىلدى.

ايتا كەتەيىك، يۋليا پۋتينسيەۆا العاشقى اينالىمدا الەمنىڭ 15- راكەتكاسى تيمەيا باچينسكيمەن جولىققان. بۇل كەزدەسۋدە شۆەيتساريالىق تەننيسشى 6:1 ەسەبىمەن ۇتىلىپ جاتقاندا جارىستى جالعاستىرۋدان باس تارتقان.