دومينيكان جۋرناليستەرى تىكەلەي ەفيردە قازا تاپتى
استانا. قازاقپارات - دومينيكان رەسپۋبليكاسىندا راديوداعى تىكەلەي ەفير بارىسىندا ەكى جۋرناليستى ولتىرگەن ءۇش ادام تۇتقىندالدى، دەپ حابارلادى بي- بي- سي اگەنتتىگى ەلدىڭ پوليتسياسىنا سىلتەمە جاساي وتىرىپ.
جۋرناليستەردىڭ ءبىرى ەفير كەزىندە فەيسبۋكتا تىكەلەي ترانسلياتسيا جۇرگىزىپ وتىرعان.
ەكى مينۋتتىق ۆيدەودا تىكەلەي ەفير جۇرگىزىپ وتىرعان لۋيس مانۋەل مەدينانىڭ وققا ۇشقانى جانە ايەلدەردىڭ جان ايقايى ءتۇسىپ قالعان.
مەدينانامەن قاتار، 103FM دومينيكان راديوسىنىڭ پروديۋسەرى لەو مارتينەس تە قازا تاپتى.
پوليتسيانىڭ مالىمدەۋىنشە، وقيعا سەيسەنبى كۇنى ەلدىڭ استاناسى سانتو- دومينگونىڭ شىعىسىندا ورنالاسقان سان پەدرو دە ماكوريس قالاسىندا ورىن العان.
ۇستالعاندارعا ازىرگە ايىپ تاعىلعان جوق. سونداي- اق، نەلىكتەن ب ا ق وكىلدەرىنە شابۋىل جاسالعانى ازىرگە بەلگىسىز.
