16:24, 15 - اقپان 2017 | GMT +5
انتاليادا تۇركيا ازاماتى ايەلىن اتىپ ءولتىرىپ، ەكى سابيىنە ۋ بەردى
استانا. قازاقپارات - انتاليادا تۇركيا ازاماتى ءوزىنىڭ ورىس ايەلى مەن ەكى بالاسىن ءولتىرىپ، ارتىنان وزىنە ءوزى قول سالدى، دەدى ر ي ا نوۆوستي اگەنتتىگىنە بەرگەن سۇحباتىندا رەسەيلىك باس كونسۋلدىق قىزمەتكەرى.
ول سونىمەن قاتار قىلمىستىڭ تۇرمىستىق جانجالدىڭ سالدارىنان ورىن العاندىعىن ايتتى.
وسىعان دەيىن تۇركيانىڭ ب ا ق وكىلدەرى مۋاممەر گيۋننىڭ بالاسى ۆيكتور مەن قىزى لەيلانىڭ ءتاتتى تاعامدارىنا پەستيتسيد قوسىپ بەرگەندىگىن، ارتىنان ايەلى اننانى اتىپ ولتىرگەندىگىن حابارلادى. بۇدان سوڭ تۇرىك پوليتسياعا حابار بەرىپ، ءوزىن دە ولتىرگەن.
