16:05, 15 - اقپان 2017 | GMT +5
مۇحيتقا قاراي اققان سەڭ ۇستىندەگى بالا قۇتقارىلدى
استانا. قازاقپارات - رەسەيدىڭ ت ج م قىزمەتكەرلەرى ءتورتىنشى سىنىپ وقۋشىسىن مۇحيتقا بەت العان سەڭ ۇستىنەن قۇتقارىپ قالدى، دەپ حابارلادى سارسەنبى كۇنى كامچاتكا ولكەسىنىڭ باس باسقارماسى.
«بالالاردىڭ ءبىرى - ءتورتىنشى سىنىپ وقۋشىسى دميتريي مۇزعا سەكىرىپ تۇسكەن. ول مىنگەن سەڭ جاعادان الىستاي باستاعان»، - دەلىنگەن حابارلامادا.
وقيعا سەيسەنبى كۇنى ۆيليۋچينسك قالاسىندا بولعان، ءبىر توپ بالا كراشەنيننيكوۆ ايلاعىنداعى پيرس ماڭىندا ويناپ جۇرگەن.
كۋاگەرلەر ت ج م حابارلاسقان جانە 15 مينۋتتان كەيىن شاعىن قايىقتار جونىندەگى مەملەكەتتىك ينسپەكتسيا قىزمەتكەرلەرى كەلدى. بۇل ۋاقىتتا سەڭ مەن بالا جاعادان 150 مەترگە ۇزاپ كەتكەن ەدى.
قۇتقارۋشىلار ەسكەكتى قايىقپەن بالانى قۋىپ جەتتى. بالا جاعاعا امان- ەسەن جەتكىزىلدى، مەديتسينالىق كومەك قاجەت بولعان جوق.
