بارلىق اۋىلدار ينتەرنەتكە قوسىلادى - ابايەۆ
بۇل تۋرالى بۇگىن ق ر پارلامەنتى ماجىلىسىندەگى جالپى وتىرىستا ق ر اقپارات جانە كوممۋنيكاتسيالار ءمينيسترى داۋرەن ابايەۆ ءمالىم ەتتى، دەپ حابارلايدى قازاقپارات.
«قازىرگى كەزدە جىل سوڭىنا دەيىن راديوجيىلىكتى ستانسالاردىڭ قۇرىلىسىن جوسپارلاپ وتىرمىز. ەلىمىزدىڭ بارلىق اۋدان ورتالىقتارىن 4G ستاندارتىنداعى ينتەرنەتپەن قامتاماسىز ەتپەكپىز. بۇل ءوز كەزەگىندە ساپالى ءارى جىلدامدىعى جوعارى جەلىنى ىسكە قوسۋعا مۇمكىندىك بەرەدى. جالپى، بۇل باعىتتاعى جۇمىستار جالعاسۋدا. ءبىز ساندىق تەڭسىزدىك بويىنشا الشاقتىق ماسەلەسىن تۇسىنۋدەمىز، ياعني قالا مەن اۋىل اراسىندا وسىنداي جاعداي قالىپتاسىپ وتىر. الداعى ەكى جىلدا جۇمىستاردىڭ ءبىرىنشى كەزەڭىن اياقتايتىن بولامىز»، - دەدى د. ابايەۆ.
وسى ورايدا ول اتقارىلاتىن شارالار ەكى كەزەڭدى قامتىپ وتىرعانىن جەتكىزدى. بىرىنشىسىندە، 2017-2019 -جىلدارى 1 291 اۋىل ينتەرنەتكە قوسىلادى دەپ كۇتىلۋدە. ال ەكىنشى كەزەڭ اياسىندا 2020-2025 -جىلداردا شامامەن 4 مىڭعا جۋىق ەلدى مەكەن قامتاماسىز ەتىلەدى.
اتاپ ايتقاندا، ءبىرىنشى كەزەڭدە 2 ميلليون تۇرعىننان استام، سونداي-اق كەلەسى كەزەڭدە 1,5 ميلليون ادام قامتىلاتىن بولادى
