اۆستريادا گيتلەردىڭ «سىڭارى» تۇتقىندالدى

ءوزىن "گارالد گيتلەر" دەپ تانىستىرىپ جۇرگەن جاس جىگىت گيتلەردىڭ تۋعان قالاسى براۋناۋ- ام- ينندەگى ءۇيىنىڭ قاسىندا سۋرەتكە تۇسكەن.

جەرگىلىكتى پوليتسيا وكىلىنىڭ ايتۋىنشا، ۇستالعان ەر ادام تاياۋدا گەرمانيامەن شەكاراداعى شاعىن قالاعا كوشىپ كەلگەن. ال بۇعان دەيىن ونى ۆەنا مەن گراتس قالالارىندا كورگەندەر بار.

پوليتسەيدىڭ ايتۋىنشا، جاس جىگىتتىڭ بۇل ارەكەتى قالجىڭنان تىم الىس، ارتىستىك ونەر دە ەمەس. ول بۇعان شىنداپ بارىپ وتىر.

كۇنى كەشە اۆستريالىق سايتتاردىڭ بىرىندە گيتلەردەن اۋمايتىن، مۇرتى بار ەر ادامنىڭ سۋرەتتەرى تارالدى.

اۆستريادا ناتسيزمدى دارىپتەۋ، ناسيحاتتاۋ قىلمىس سانالادى.