جەرگىلىكتى تۇرعىندار ا ق ش دوللارىن جاپپاي وتكىزىپ جاتىر
وسى اپتادا ازاماتتار بانككە كۇن سايىن 50-60 ميلليون دوللاردان اكەلۋ ۇستىندە.
بۇدان دا كۇردەلى جاعداي مىسىردىڭ وڭتۇستىك پروۆينتسيالارىندا قالىپتاسىپ وتىر. «ءال-احرام» گازەتىنىڭ حابارلاۋىنشا، وندا امەريكالىق ۆاليۋتادان تەزىرەك قۇتىلعىسى كەلگەندەردىڭ ۇزىن-سونار كەزەگى قالىپتاستى.
مۇنشا كوپ ادامنىڭ ا ق ش دوللارىنان باس تارتۋى ونىڭ ودان سايىن قۇلدىراۋىنا اكەپ سوقتىرۋدا ، ال سۇرانىس جوقتىڭ قاسى.
«ءال-احرام» گازەتىنىڭ دەرەكتەرىنە سۇيەنسەك، دوللاردى جيناقتاۋ ۆاليۋتاسى رەتىندە پايدالانۋدان باس تارتىپ جاتقان ازاماتتاردىڭ سانى كۇن ساناپ وسۋدە.
سونىمەن بىرگە، ساراپشىلار مىسىرلىق فۋنتتىڭ ءوسۋى مىسىرداعى ەكونوميكالىق جاعدايدىڭ تۇراقتالعانىن بىلدىرمەيتىنىن ايتىپ، اسىقپاۋعا كەڭەس بەرۋدە. مىسىر ەكونوميكالىق زەرتتەۋلەر فورۋمىنىڭ باسشىسى راشاد ءابدۋدىڭ تۇسىندىرۋىنشە، جەرگىلىكتى ۆاليۋتا باعامىنىڭ ءوسۋى ەكونوميكا مەن قارجى تۋرالى جەتكىلىكتى بىلە بەرمەيتىن قاراپايىم ازاماتتاردىڭ پوزيتيۆتى بولجامدارىنان بولۋى مۇمكىن.
