كىسىلىك: شاحانوۆتىڭ ەڭكىلدەپ جىلاپ تۇرعانىن كوردىم
- كەزىندە جەلتوقسان كوتەرىلىسىمەن اقىن اعامىز مۇحتار شاحانوۆ بىلەك سىبانىپ، بۇكىل كۇش-قايراتىن جۇمساپ اينالىستى. ول كىسى باسشىلىق ەتكەن كوميسسيا ءوز مىندەتىن تولىق ورىندادى ما؟
- مۇحتار شاحانوۆ - ءبىزدىڭ حالقىمىزدىڭ بەلگىلى جازۋشىسى، قوعام قايراتكەرى، پاتريوتتارىنىڭ ءبىرى. كەز-كەلگەن ۇلت مۇنداي پەرزەنتىمەن ماقتانا الار ەدى. ءبىراق، ول قانشاما قۇدىرەتتى جانە جىگەرلى بولسا دا، ونىڭ ءبىر باسىنا ءبارىن ءۇيىپ- توگۋگە بولمايدى. كەزىندە مۇحاڭ باسقالاردىڭ قولىنان كەلمەيتىن، كەلگەن كۇندە باتىلى بارمايتىن، جۇرەگى داۋالامايتىن ىستەردى اتقاردى.
ك س ر و جوعارعى كەڭەسى سەزىنىڭ مىنبەرىنەن بۇكىل الەمگە بارشا قازاقتاردىڭ جۇرەگىندەگى جينالعان ءۇمىت پەن قاسىرەتتى لاق ەتكىزىپ اقتارا سالدى. ونى ەكىنشى ءبىر قايراتكەرىمىز ولجاس سۇلەيمەنوۆ قولدادى. ەگەر دە گرۋزيا مەن بالتىق بويى ەلدەرىنىڭ حالىقتارى جەلتوقسانداعى سياقتى ءبىرىن- ءبىرى جانكەشتىلىكپەن قورعاپ، قولداپ جاتسا، ءبىزدىڭ قازاقتار ءبىرىن- ءبىرى ايىپتاپ، كەيبىرەۋلەرى بۇعىپ قالىپ، ال جالعان پاتريوتتار مەن سۋجۇرەك قورقاقتار تاسادان جۇدىرىقتارىن تۇيگەن بولدى.
ال مەن شاحانوۆتى جاقسى بىلەمىن. ونىڭ كوميسسيا جۇمىسىن قالاي جۇرگىزگەنىن ءوز كوزىممەن كورىپ ءجۇردىم. سول ىسكە بار كۇش- قۋاتىن سالىپ، اقىندىق جۇرەگىمەن جۇمىس ىستەدى. بىردە، ءتىپتى، جوعارى كەڭەستەگى تىڭداۋدان كەيىن ەڭكىلدەپ جىلاپ تۇرعانىن كوردىم. بۇل - ارى تازا، ەلىن سۇيەتىن ازاماتتىڭ عانا كوز جاسى ەدى.
مەن ونىڭ ورنىندا ءجيى- ءجيى قالىپ ءجۇردىم (ول ماسكەۋگە سەسسياعا كەتكەن كەزدەردە). ال، سەندىرىپ ايتار بولسام، ول باسقارعان كوميسسيا ءوز مىندەتىن تولىق ورىندادى. ول ءوز حالقىنىڭ الدىنداعى قاستەرلى پارىزىن ادال اتقاردى.
ت. تىلەۋباي، تاۋەلسىزدىك - تۇمارىم كىتابىنان
altyalash.kz
