ەلدىڭ ەكى وڭىرىندە قاردىڭ قالىڭدىعىنا بايلانىستى جولدار جابىلدى

استانا. قازاقپارات - رەسپۋبليكانىڭ ەكى وڭىرىندە اۋا رايىنىڭ كۇردەلەنۋىنە بايلانىستى ءبىرقاتار اۆتوموبيل جولدارى جابىلدى.

«قازاۆتوجول» ر م ك- نىڭ مالىمەتتەرى بويىنشا، جامبىل وبلىسىندا 14 -اقپان كۇنى 18 ساعات 10 مينۋتتان باستاپ، قاردىڭ قالىڭ تۇسۋىنە بايلانىستى رەسپۋبليكالىق ماڭىزداعى «الماتى- تاشكەنت» اۆتوجولىنىڭ (534-593 ك م، ايشا ءبيبى اۋىلى و ق و- مەن شەكارالاس ايماق) ۋچاسكەسى بارلىق كولىك تۇرلەرى ءۇشىن جابىلدى.

وڭتۇستىك قازاقستان وبلىسىندا 18 ساعات 20 مينۋتتا قاردىڭ قالىڭدىعىنا بايلانىستى رەسپۋبليكالىق ماڭىزداعى «الماتى- تاشكەنت- تەرمەز» باعىتىنىڭ (593-632 ك م، جامبىل وبلىسىمەن شەكارالاس، جاسكەشۋ) ۋچاسكەسىندە بارلىق كولىك تۇرلەرى قوزعالىس شەكتەلدى.