گەرمانيا ەكونوميكاسىنىڭ دامۋ كورسەتكىشى رەكوردتىق دەڭگەيگە جەتتى

استانا. قازاقپارات - 2016 -جىلدىڭ ءتورتىنشى توقسانىندا گەرمانيا ەكونوميكاسى ءوزىنىڭ ءوسۋ قارقىنىن جوعارىلاتتى.

قازان مەن جەلتوقسان ايلارى ارالىعىندا گ ف ر- دىڭ ىشكى جالپى ءونىم كولەمى شىلدە مەن قىركۇيەك ايىنداعى كورسەتكىشپەن سالىستىرعاندا 0,4 پايىزعا ءوستى. 2016 -جىل بويىنا ەكونوميكانىڭ ءوسىمى 1,9 پايىزعا جەتىپ، سوڭعى 5 جىلداعى رەكوردتىق دەڭگەيدى باعىندىردى، دەپ جازادى russian.rt.com.

باسىلىم Deutsche Welle-نىڭ جازۋىنشا، گەرمانيا ەكونوميكاسىنىڭ وسىمىنە جوعارى مەملەكەتتىك كىرىستەر مەن بوسقىنداردىڭ ورنالاسۋى دا وڭ ىقپال ەتتى. سونىمەن قاتار ەكونوميكا وسىمىنە تۇتىنۋشىلىق جانە قۇرىلىس سالاسىنداعى سۇرانىستاردىڭ دا اسەرى بولدى. Commerzbank بانكىنىڭ باس ەكونوميسى يورگ كرەمەردىڭ پىكىرىنشە، گەرمانيانىڭ ەكونوميكالىق ءوسىمى بيىلعى جىلدىڭ ءبىرىنشى توقسانىندا شەتەل ارقىلى سۇرانىستاردىڭ ارتۋىنا بايلانىستى جالعاسا بەرەدى.