21:44, 14 - اقپان 2017 | GMT +5
داۋرەن ابايەۆ بىرىككەن اراب امىرلىكتەرىندە ەكىجاقتى كەزدەسۋلەردى وتكىزدى
استانا. قازاقپارات - ق ر اقپارات جانە كوممۋنيكاتسيالار ءمينيسترى داۋرەن ابايەۆ دۋبايدا The World Government Summit- ءتىڭ وتكىزىلۋى شەڭبەرىندە بىرىككەن اراب امىرلىكتەرىنىڭ ەكونوميكا ءمينيسترى سۇلتان يبن سايد ءال- مانسۋري مىرزامەن كەزدەسۋ وتكىزدى. بۇل تۋرالى مينيسترلىكتىڭ باسپا ءسوز قىزمەتى حابارلادى.
كەزدەسۋ بارىسىندا داۋرەن ابايەۆ سيفرلاندىرۋ سالاسىنداعى تاجىريبەمەن، «سيفرلىق قازاقستان» باعدارلاماسىمەن ءبولىسىپ، Smart-city دامىتۋ شەڭبەرىندە استانا حابىن قۇرۋ تۋرالى ايتىپ بەردى. تاراپتار سيفرلىق ترانسفورماتسيانى ىلگەرىلەتۋگە جانە دامىتۋعا باعىتتالعان IT جانە جوعارى تەحنولوگيالار سالاسىندا ءوزارا ىنتىماقتاستىق تۋرالى كەلىستى.
بۇدان باسقا، داۋرەن ابايەۆ ب ا ءا باقىت ءمينيسترى وحۋد ءال- رۋميمەن كەزدەستى. تاراپتار حالىققا مەملەكەتتىك قىزمەتتەر كورسەتۋ، ۇسىنىلاتىن راسىمدەردى جەڭىلدەتۋ پروتسەسىن جاڭعىرتۋ سالاسىنداعى، سونداي- اق مەملەكەتتىك قىزمەتتەر سالاسىنداعى مەنەدجمەنت ماسەلەلەرى بويىنشا ەكىجاقتى ىنتىماقتاستىق جانە ىلگەرىلەتۋ ماسەلەلەرىن تالقىلادى.
