وزبەكستان پرەزيدەنتى مەملەكەتتىك ساپارمەن قازاقستانعا كەلەدى
بۇل تۋرالى Sputnik وزبەكستانعا قازاقستاننىڭ تاشكەنتتەگى وكىلدىگىنەن حابارلادى،
دەپ جازادى CA-News.
حابارلاماعا سۇيەنسەك، ق ر پرەزيدەنتى نۇرسۇلتان نازاربايەۆ وزبەكستاندىق ارىپتەسىن قوناققا شاقىرعان. ساپار اياسىندا ەكىجاقتى ستراتەگيالىق سەرىكتەستىككە قاتىستى بارلىق ماسەلەلەر مەن ونى ارى قاراي دامىتۋ جايى تالقىلانادى.
«ءبىزدىڭ قارىم- قاتىناسىمىز 2016 -جىلدىڭ سوڭىندا جانە 2017 -جىلدىڭ باسىندا ءىرى قارقىنمەن دامۋدا. سايكەسىنشە، شەشىمىن تاپپاعان ماسەلەلەر لەگى دە پايدا بولدى. وسىعان وراي، ەكى ەل باسشىلارىنىڭ كەزدەسۋى ورىندى ءارى ماڭىزدى»، - دەپ ءتۇسىندىردى قازاقستاننىڭ وزبەكستانداعى ەلشىلىگىندەگى دەرەككوز.
بۇرىن حابارلانعانداي، شاۆكات ميرزييەۆ وزبەكستان پرەزيدەنتى رەتىندە العاشقى رەسمي ساپارىن رەسەيگە جاساۋدى جوسپارلاۋدا. وزبەكستان ۆەدومستۆوسى مەملەكەت باسشىسىنىڭ ر ف- كە رەسمي ساپارىنا قازىردىڭ وزىندە دايىندىقتى باستادى.
