جەلىدە ديماش قۇدايبەرگەننىڭ جەكي چانعا دومبىرا شەرتىپ بەرگەن ۆيدەوسى پايدا بولدى

استانا. قازاقپارات - قىتايداعى «Singer- 2017» ءان بايقاۋىنا قاتىسىپ جاتقان قازاقستاندىق ءانشى ديماش قۇدايبەرگەن ءوزىنىڭ Weibo (Twetter- دىڭ قىتايلىق بالاماسى) الەۋمەتتىك جەكە پاراقشاسىنا  جەكي چانعا «ءالقيسا» كۇيىن شەرتىپ بەرگەن ءساتى تۇسىرىلگەن ۆيدەونى جاريالادى.

ۆيدەودان دجەكي چاننىڭ كۇيدى زور ىنتا- ىقىلاسپەن تىڭداپ، «وتە كەرەمەت!» ، - دەپ باعا بەرگەنىن بايقاۋعا بولادى.

ەسكە سالا كەتەيىك، بۇدان بۇرىن ديماشتىڭ بەيجىڭدە تانىمال كينو اكتەرى جەكي چانمەن كەزدەسىپ، وعان قازاقي شاپان كيگىزىپ، دومبىرا سىيعا تارتقانى تۋرالى حابارلاعان بولاتىنبىز.

 

 اۆتور: مۇحتار قاليموللا ۇلى