قازاق بوكسشىلارى گەرمانيا جانە ا ق ش قۇراماسىمەن بىرگە جاتتىعۋدا - فوتو

استانا. قازاقپارات - الماتى وبلىسىنداعى بۇكىلالەمدىك بوكس اكادەمياسىندا قازاقستان، گەرمانيا جانە ا ق ش قۇراما كوماندالارىنىڭ بىرلەسكەن وقۋ- جاتتىعۋ جيىنى وتۋدە، دەپ حابارلايدى قازاقپارات.

ق ر بوكس فەدەراتسياسى مالىمەتتەرىنە سايكەس، جاتتىعۋعا گەرمانيادان - 26، ال امەريكادان 14 بوكسشى قاتىسۋدا. «قازاقستان كومانداسى ءۇشىن بۇل 2017 -جىلعى ەكىنشى وقۋ- جاتتىعۋ جيىنى. جيىنعا تەحنيكا مەن تاكتيكانى جەتىلدىرۋگە باسىمدىق بەرىلەدى. سپورتشىلار جۇپتاسىپ جاتتىعۋدا جانە تاياۋ ۋاقىتتا سپاررينگتەر باستالادى. گ ف ر مەن ا ق ش بوكسشىلارى قازاقستانعا جىل سايىن كەلەدى»، - دەپ اتاپ وتكەن فەدەراتسيادان.

ايتا كەتەرلىگى، بيىل قازاق بوكسشىلارى ەكى ءىرى تۋرنيرگە قاتىسادى. ونىڭ ءبىرى 30 -ءساۋىر مەن 7 -مامىر ارالىعىندا تاشكەنتتە وتەتىن ازيا چەمپيوناتى بولسا، ەكىنشىسى 25 -تامىز بەن 4 -قىركۇيەك ارالىعىندا گەرمانيانىڭ گامبۋر قالاسىندا بولاتىن الەم چەمپيوناتى.