يندونەزيا بوكستان ازيا بىرىنشىلىگىن وتكىزۋدەن باس تارتتى

استانا. قازاقپارات - يندونەزيا بوكستان «سارى قۇرلىقتىڭ» باستى دوداسى - ازيا بىرىنشىلىگىن وتكىزۋدەن باس تارتتى، دەپ حابارلايدى قازاقپارات ءتىلشىسى.

بۇكىل الەمدىك بوكس قاۋىمداستىعىنىڭ (AIBA) كۇنتىزبەسى بويىنشا، بۇل بىرىنشىلىك بيىل يندونەزيادا ءوتۋى ءتيىس بولعان. ءبىراق بۇل ەل قارجىلىق قيىندىقتارعا بايلانىستى جارىستاردى قابىلداۋدان باس تارتتى. سول ءۇشىن AIBA كۇنتىزبەگە وزگەرىستەر ەنگىزىپ، بۇل باسەكەنى وزگە ەلدە وتكىزۋگە شەشىم قابىلدادى.

سونىمەن، ازيا بىرىنشىلىگى بيىل 30- ءساۋىر مەن 7- مامىر ارالىعىندا وزبەكستان استاناسى تاشكەنت قالاسىندا وتەتىن بولىپ شەشىلدى.

ايتا كەتەيىك، تاشكەنت وسىمەن ازيا بىرىنشىلىگىن ءۇشىنشى رەت قابىلداعالى جاتىر. بۇل قالادا «سارى قۇرلىقتىڭ» باستى دوداسى تۇڭعىش رەت 18 جىل بۇرىن - 1999-جىلى وتكەن ەدى، ەكىنشىسى - 1995-جىلى.

اۆتور: كۇنسۇلتان وتارباي