فەيسبۋك الەۋمەتتىك جەلىسىنىڭ ءسىز بىلمەيتىن قۇپيا سىرلارى

استانا. قازاقپارات - Facebook قولدانۋشىلارى جونىندە اتالمىش كومپانيا قانداي مالىمەتتەر جينايتىنىن زەرتتەگەن مامان ۆيكي بويكيس ءوز بىلگەن اقپاراتىمەن ءبولىستى.

Facebook-تا بولىسكەن بارلىق اقپارات ساقتالىنادى

ارينە، الەۋمەتتىك جەلى جاريالاعان، جۇكتەگەن بارلىق فوتو، جازبا، قىزىققان ءىس- شارالار، فوتو، ۆيدەو، ءسىزدى بەلگىلەگەن سۋرەتتەر، جەكە حاتتار، دوستارىڭىز، اككاۋنتقا قوسىلعان كۇنىڭىز جانە قانداي تەلەفون ارقىلى كىرگەنىڭىز ساقتالادى.

جاريالانباعان جازبالار

كەزەكتى جازباڭىزدى جازىپ، كوپشىلىكتىڭ نازارىنا ۇسىنار الدىندا اينىپ قالىپ، ونى ءوشىرىپ تاستاساڭىز دا Facebook ساقتاپ قالادى.

وشىرىلگەن جازبالار

جازعان پىكىرىڭىزدى ءوشىرىپ تاستادىڭىز با؟ ول كورىنبەي تۇرسا دا، اقپارات سەرۆەرىندە ساقتالادى. Facebook-تىڭ بۇرىنعى قىزمەتكەرى 2013 -جىلى بىلاي دەپ جازعان ەدى. «Facebook-كە اقشا بەرسەڭىز دە ءسىز تۋرالى مالىمەتتەردى وشىرمەيدى. اككاۋنتىن وشىرۋگە بەل بۋعان ادامنىڭ جەكە اقپاراتى ءبىر ادامعا بايلانىستى بولمايدى. بار بولعانى وسى» دەيدى ول.

ادامنىڭ ءتۇر الپەتى

Facebook-تە DeepFace باعدارلاماسى جۇمىس ىستەيدى. ول ادامداردى جۇزىنەن تاني الادى. دوسىڭىز فوتودا ءسىزدى بەلگىلەگەن سايىن، ول DeepFace بازاسىن تولتىرىپ وتىرادى. ەندىگى جولى باعدارلاما ءسىزدى ەشبىر قيىندىقسىز «تانيدى» .

ءسىز كورسەتپەگەن مالىمەتتەر

Facebook ءوزى نەمەسە سەرىكتەستەرىنىڭ كومەگىمەن الەۋمەتتىك جەلىگە تىركەلگەندەردىڭ پاراقشاسىن ساراپتايدى. پايدالانۋشىنى قانداي جارناما قىزىقتىرادى، تەلەفون نومەرلەرى، ءۇي مەكەن- جايى جانە قوسىمشا ەلەكتروندى پوشتا، ورنالاسقان جەرى، جىنىسى، ءتىلى، ءبىلىم دەڭگەيى، كىرىسى، ءۇيدىڭ باعاسى، اۋماعى جانە ءۇيدىڭ سالىنعان جىلى دەگەن سەكىلدى اقپاراتتى جيناستىرادى.

نە قىزىقتىرادى

Facebook-كە 360 گرادۋستى ۆيدەولاردى جۇكتەۋگە بولادى. ونى كامەرامەن قايدا بۇرعىسى كەلسە دە، بۇرا الادى. ال الەۋمەتتىك جەلى سىزگە قانداي سالالار قىزىقتىراتىن زەرتتەيدى.

Facebook-تەن تىس

Facebook ءسىزدىڭ باسقا قانداي سايتتارعا كىرەتىنىڭىزدى باقىلايدى. ءتىپتى ءسىز الەۋمەتتىك جەلىدەن شىعىپ كەتسەڭىز دە كۋكي ارقىلى ءسىزدى اڭدۋعا تىرىسادى. Facebook كۋرسوردىڭ ورىن الماسۋىنا دەيىن اڭدي الادى. بۇل اقپاراتتارمەن Facebook نە ىستەيدى؟ اتالمىش اقپاراتتى ءتۇرلى ماقساتتا قولدانادى. ەڭ الدىمەن قانداي جارناما قىزىقتىراتىنىن ءبىلۋ ءۇشىن. ءبىراق كومپانيا جاسىرىن تۇردە ءسىزدىڭ باسقان لۇپىلدەرىڭىز بەن جاڭالىقتارىڭىزدى باقىلاي وتىرا الەۋمەتتىك تاجىريبە مەن زەرتتەۋلەر جاساۋى مۇمكىن. ءسىز تۋرالى اقپاراتتى مەملەكەتتىك ورگاندار مەن ساقتاندىرۋ كومپانيالارىنا بەرە الادى. كومپانيا قىزمەتكەرلەرى ونى جەكە ماقساتى بويىنشا دا زەتتەۋى ىقتيمال.

نە ىستەۋ كەرەك؟

ۆيكي بويكيس Facebook- تى قولدانعاندا پايدالاناتىن ءوز ەرەجەلەرىمەن ءبولىستى. جەكە باسىڭىزعا قاتىستى كوپ اقپارات جاريالاماڭىز. بالالارىڭىزدىڭ فوتوسىن شىعارماڭىز. اسىرەسە ول فوتوعا رۇقسات بەرە الاتىن جاسقا دەيىن جەتپەگەنشە. Facebook-تى قولدانىپ بولعاننان كەيىن، جەلىدەن مىندەتتى تۇردە شىعىپ كەتىڭىز. Facebook ءۇشىن بولەك براۋزەر قولدانىڭىز.

جارنامالاردى بۇعاتتاپ وتىرىڭىز

 Facebook-تى، ونىڭ ىشىندە Facebook Messenger-دى ساياسي شارالاردى ۇيىمداستىرعان ۋاقىتتا قولدانباڭىز. پىكىر الاڭى رەتىندە Facebook-تىڭ ءوزىن پايدالانىپ، حات الماسۋعا باسقا مەسسەندجەردى قولدانعان ابزال. ماسەلەن، Signal, Telegram (لاجى بولسا Facebook- كە تيەسىلى ەمەس مەسسەندجەرى بولعانى دۇرىس).

 

دەرەككوزى: http://muslim.kz