ريو وليمپياداسىنىڭ وبەكتىلەرى قاراۋسىز قيراپ جاتىر - كەسكىن، فوتو
اتاپ ايتقاندا، الەمگە كەڭىنەن تانىمال "ماراكانا" ستاديونى تالان-تاراجعا سالىنىپ، قاڭىراپ بوس تۇر. وليمپيادا كەزىندە جاسىل ءتۇستى سۋىمەن ەلدى شۋلاتقان باسسەين دە پايدالانىلماي، كەرەكسىز قالعان. گولف الاڭى، تەننيس كورتى، جۇگىرۋ جولى - بارلىعى دا قۇلىپ سالىنىپ جابىق تۇر.
برازيليا سپورت مينيسترلىگى كەزىندە وليمپياداعا ارناپ سالىنعان سپورت كەشەندەرىنىڭ كوپشىلىگى جەكە تۇلعالاردىڭ ءوزارا كەلىسىمدەرى بويىنشا بوي كوتەرگەنىن تىلگە تيەك ەتۋدە، ياعني ولار جەكە مەنشىك يەلىگىندە بولىپ تابىلادى. ونىڭ ۇستىنە جاقىندا عانا ەلدە ساياسي داعدارىس بولىپ، بيلىك اۋىسقاننان كەيىن بۇل كەلىسىمدەردىڭ كۇشى جويىلعان.
اتالعان سپورت وبەكتىلەرىنە قىزمەت كورسەتەتىن كومپانيالاردى ىزدەستىرۋ ازىرگە مۇمكىن بولماي وتىر. ال، جاڭا مامانداردى تارتىپ، ولاردى قايتا قالپىنا كەلتىرۋ ۇلكەن شىعىنداردى تالاپ ەتەدى.
دەرەككوزى: شەتەلدىك ب ا ق
