قاتەرلى ىسىكتىڭ العاشقى بەلگىلەرى
بۇل سىرقاتتىڭ العاشقى ەتابىندا بايقالادى. سوندىقتان تەرى قۇرىلىمىنداعى، شىرىشتى قابات پەن جۇمساق تىندەردىڭ وزگەرىستەرىن تەكسەرىستەن وتكىزىپ وتىرعان ءجون.
2.تەرىنىڭ قىشۋى
يممۋندىق جۇيە قاتەرلى ىسىكتى بوتەن نارسە دەپ قابىلداپ، بىردەن شابۋىلعا كوشەدى. سونىڭ سالدارىنان زاقىمدانعان ايماقتا قان اينالىمى كۇشەيەدى. تەرى سودان قىزارىپ، ءتۇسى وزگەرىپ، قىشي باستايدى. سول تۇستاعى تەرىنىڭ قىزۋى دا وتە جوعارى بولادى.
3.جازىلمايتىن، سوزىلمالى جارالار
ەگەر جىرىپ كەتكەن، سىرىپ العان جارالاردىڭ ورنى ءبىرازعا دەيىن جازىلماسا، قاتەرلى ىسىكتىڭ نەمەسە باسقا دا قاۋىپتى اۋرۋلاردىڭ بەلگىسى بولۋى مۇمكىن. مىندەتتى تۇردە تولىققاندى تەكسەرۋدەن ءوتىڭىز.
4.اۋىز قۋىسىنداعى، تىلدەگى ويىق جارا نەمەسە بورتپەلەر
سونداي- اق، اۋىز قۋىسىنىڭ كەز كەلگەن وزگەرىسى ۇزاققا سوزىلسا، بەي- جاي قالدىرماڭىز.
5.جۇتىنۋدا، اسقورىتۋدا ماسەلە تۋىنداسا، تابەت تارتپاسا
مۇنىڭ سالدارىنان دۇرىس تاماقتانا المايسىز، ول قورىتىلماعاننان كەيىن اعزاعا قاجەتتى دارۋمەندەر دە جەتكىلىكسىز بولادى. ناتيجەسىندە يممۋندى جۇيەڭىز السىرەيدى.
6.ىشەك جۇمىسىنىڭ بۇزىلۋى
ءىش اۋرۋى ەكى كۇننەن ۇزاققا سوزىلسا، ۇلكەن دارەت تىم قويۋ نەمەسە تىم اشىق ءتۇستى بولىپ كەتسە، شىرىش، قان ارالاس شىقسا، سونداي- اق، ءىش قاتۋى بايقالسا، تەكسەرىلىپ، ەمدەۋ شارالارىنا كىرىسىڭىز.
7.نەسەپ شىعارۋدىڭ وزگەرىسى
اعىنى، ءتۇسى، ءيىسى وزگەرسە، كوبىك ارالاس بولسا، ونىڭ سەبەبىن انىقتاڭىز.
8.داۋىستىڭ وزگەرۋى
قاتەرلى ىسىك تۇتىكشەلەرى داۋىس ىرعاعىنا، تونىنا اسەر ەتەدى.
9.جوتەل
وكپەنىڭ، تاماقتىڭ، اسقازاننىڭ ىسىك اۋرۋلارىندا جوتەل ءجيى بايقالادى. جوتەل ۇزاققا سوزىلسا، تەكسەرىلىڭىز.
بۇل ايتىلعان جاعدايلار قاتەرلى ىسىكتىڭ بەلگىلەرى بولماۋى دا مۇمكىن. ءبىراق مىندەتتى تۇردە تەكسەرىلىپ، سىرقاتىڭىزدىڭ سەبەبىن انىقتاپ الىڭىز.
