ب ۇ ۇ قاۋىپسىزدىك كەڭەسى سولتۇستىك كورەيانى تاعى دا سىنعا الدى

استانا. قازاقپارات -  ب ۇ ۇ قاۋىپسىزدىك كەڭەسى (ق ك) ك ح د ر- دىڭ التى قارارادى بۇزا وتىرىپ، بالليستيكالىق زىمىراندى سىناقتان وتكىزۋىن سىنعا الدى، دەپ حابارلايدى قازاقپارات «ر ي ا نوۆوستي» اگەنتتىگىنە سىلتەمە جاساپ.

«بۇل ۇشىرىلىمدار ك ح د ر- دىڭ قاۋىپسىزدىك كەڭەسىنىڭ 1718، 1874، 2087، 2094، 2270، 2321 قارارلارى بويىنشا حالىقارالىق مىندەتتەمەلەردى قاتاڭ بۇزۋى بولىپ تابىلادى»، - دەلىنگەن ق ك ماقۇلدانعان مالىمدەمەدە.

ونىمەن قوسا، ق ك مۇشەلەرى احۋالدى باقىلاۋدى جالعاستىرۋعا جانە «كەڭەستىڭ بۇعان دەيىن مالىمدەگەن نيەتتەرىنە سايكەس، ودان ارعى ىقپالدى شارالاردى» قابىلداۋعا ۋاعدالاستى، دەپ جازادى Lenta.ru.

ق ك مۇشەلەرى ك ح د ر حالقى ۇلكەن مۇقتاجدىقتا بولىپ وتىرعان قازىرگى جاعدايدا ەل بيلىگى رەسۋرستاردى بالليستيكالىق زىمىراندارعا جۇمساپ وتىرعانىنا وكىنىش ءبىلدىردى، - دەلىنگەن قۇجاتتا.

ايتا كەتەيىك، 12 -اقپان كۇنى ك ح د ر ارەكەت ەتۋ راديۋسى ورتاشا "پۋككىكسون-2" ("تەمىرقازىق-2") بالليستيكالىق راكەتاسىن سىنادى. رەنحاپ اگەنتتىگىنىڭ حابارلاۋىنشا، «جەر- جەر» ساناتىنداعى اتالمىش ستراتەگيالىق زىمىران سىناقتان ءساتتى ءوتتى. بۇدان كەيىن ا ق ش، جاپونيا جانە وڭتۇستىك كورەيا ك ح د ر- دىڭ راكەتا ۇشىرۋىنا بايلانىستى ب ۇ ۇ قاۋىپسىزدىك كەڭەسىنىڭ شۇعىل وتىرىسىن شاقىرۋدى تالاپ ەتتى. ءسال كەيىنىرەك ب ۇ ۇ قاۋىپسىزدىك كەڭەسى بۇل ماسەلەنى 13 -اقپاندا جابىق ەسىك جاعدايىندا تالقىلايتىنىن ءمالىم ەتتى.