وسكەمەندەگى قوعامدىق كولىكتە ءجۇرۋ باعاسى قىمباتتايدى

استانا. قازاقپارات - وسكەمەندە 22 -اقپاننان كەيىن اۆتوبۋستاردا ءجۇرۋ قۇنى 90 تەڭگەگە قىمباتتايدى، دەپ حابارلايدى yk-news.kz.

قالا اكىمدىگىنىڭ قاۋلىسى (قالالىق اكىمدىكتىڭ جولدا ءجۇرۋ اقىسىنىڭ جاڭا تاريفىن بەكىتۋ تۋرالى) 22 -اقپان كۇنى كۇشىنە ەنەدى، - دەپ ءتۇسىندىردى اكىمدىكتىڭ قۇزىلى ورگان وكىلدەرى.

«وسى كۇننەن باستاپ، اۆتوبۋستار مەن مارشرۋتتىق باعىتتاعى قوعامدىق كولىكتەردىڭ قۇنى 90 تەڭگە بولادى. 15 جاسقا دەيىنگى مەكتەپ وقۋشىلارى ءۇشىن قوعامدىق كولىك باعاسى - 45 تەڭگە، زەينەتكەرلەر مەن جاسى 70-تەن اسقان ازاماتتاردان 50 تەڭگە تولەۋ تالاپ ەتىلەدى. ءبىرىنشى جانە ەكىنشى توپتاعى مۇگەدەكتەر مەن ۇ و س- نىڭ ارداگەرلەرى بۇرىنعىسىنشا اۆتوبۋستا تەگىن جۇرەدى. وزگە جەڭىلدىكتەر ناقتى تاسىمالداۋشىمەن جاسالعان كەلىسىم نەگىزىندە جۇزەگە اسىرىلادى. ولاردىڭ اكىمشىلىك وكىلدەرى كەلىسىم تالاپتارىن كولىك سالونىنا ءىلىپ قويادى»، - دەلىنگەن حابارلامادا.