ۇلى بريتانيادا جولاۋشىلاردى پويىزعا ساۋساق ىزدەرى ارقىلى وتىرعىزۋ جوسپارلانۋدا

 دەپ حابارلايدى  Railway Technology .

 Rail Delivery Group كومپانياسىنىڭ پايىمداۋىنشا، ساۋساق ىزدەرىن تەكسەرۋ - جولاۋشىلاردى پويىزعا وتىرعىزۋ ۋاقىتىن قىسقارتىپ، تەمىرجول قىزمەتىنىڭ جۇمىسىن جەڭىلدەتۋگە مۇمكىندىك بەرەدى. جولاۋشىلار وزدەرىنىڭ ساۋساق ىزدەرىن سمارتفون ارقىلى ەنگىزە الادى. ال، اتالمىش قوسىمشا قازىرگى تاڭدا جاسالۋ ۇستىندە.

بۇل جۇيەنىڭ قاشان ىسكە اساتىنى جانە ونىڭ قالاي جۇمىس جاسايتىنى ازىرگە بەلگىسىز. ساۋساق ىزدەرىن ءاربىر قولدانۋشى سمارتفون ارقىلى سكانەرلەپ، ناتيجەنى Bluetooth ارقىلى تۋرنيكەتكە جىبەرۋى مۇمكىن. كەيىنىرەك ساۋساق ىزدەرىن سكانەرلەۋ قوندىرعىسى تۋرنيكەتتەرگە ورناتىلادى.

 Rail Delivery Group تاسىمالى بيومەتريالىق باقىلاۋدىڭ باسقا دا تۇرلەرىن قاراستىرۋدا. مىسالى، كوز تورشاسىن سكانەرلەۋ جۇيەسى دە قولدانىلۋى مۇمكىن.