بيلل گەيتس قىتايداعى ءىرى الەۋمەتتىك جەلىگە تىركەلدى
استانا. قازاقپارات - الەمدەگى ەڭ باي ادامداردىڭ ءبىرى سانالاتىن بيلل گەيتس - قولدانۋشىلارى ميللياردقا جاقىنداعان WeChat الەۋمەتتىك جەلىسىنە تىركەلدى.
بيلل گەيتس سەنبى كۇنى ءوزىنىڭ بلوگىندا قىتايلىق جەلى قولدانۋشىلارىمەن سالەمدەسكەن، دەپ جازادى Mashable.
Microsoft نەگىزىن قالاۋشىسى الەۋمەتتىك جەلىگە ءوزى كەزدەسكەن ادامدار جايلى، سونداي- اق وقىعان كىتاپتارى تۋرالى قىزىقتى دەرەكتەر جاريالايتىنىن ايتقان.
WeChat-تىڭ كومەگىمەن ماتىندىك جانە اۋديو حابارلامالار، سۋرەتتەر مەن ۆيدەوتاسپالار جىبەرۋگە بولادى. ودان بولەك، ادامدار اتالمىش الەۋمەتتىك جەلىنى شوتتارعا تولەم جاساپ، اقشالاي قاراجاتتار جىبەرۋ ءۇشىن قولدانادى. قازىرگى تاڭدا WeChat-قا 900 ميلليونعا جۋىق ادام تىركەلگەن. ولاردىڭ كوپشىلىگى بۇل قوسىمشانى كۇن سايىن قولدانادى، دەپ حابارلايدى Tencent-تەگى قۇراستىرۋشىلار.
